Karnataka Gazette, Part Part-3, 08 February 2018

click here for IIIF manifest

ಸಂಪುಟ ೧೫೩

Volume 153

ಬೆಂಗಳೂರು, ಗುರುವಾರ, ಫೆಬ್ರವರಿ ೮, ೨೦೧೮ (ಮಾಘ ೧೯, ಶಕ ವರ್ಷ ೧೯೩೯)

Bengaluru, Thursday, February 8, 2018 (Magha 19, Shaka Varsha 1939)

ಸಂಚಿಕೆ ೬

Issue 6

ಭಾಗ ೩

ಸರ್ಕಾರದ ಆಯಾ ಇಲಾಖೆಗಳ ಮುಖ್ಯಸ್ಥರ ಮತ್ತು ಸ್ಥಳೀಯ ಪ್ರಾಧಿಕಾರಿಗಳಿಗೆ

ಸಂಬಂಧಿಸಿದ ಅಧಿಸೂಚನೆಗಳು

ಅಧಿಕಾರಿಯುತ ಅಧಿಕಾರಿಗಳು ಹಾಗೂ ಉಪ ಅರಣ್ಯ ಸಂರಕ್ಷಣಾಧಿಕಾರಿಗಳ ನ್ಯಾಯಾಲಯ,

ಭದ್ರಾವತಿ ವಿಭಾಗ, ಭದ್ರಾವತಿ.

ಸಂಖ್ಯೆ:ಎಫ್.ಓ.ಸಿ.-ಸಿಓಎನ್-ಸಿಆರ್-10/2011-12, ದಿನಾಂಕ:14-12-2017

ಉಪಸ್ಥಿತರು : ಶ್ರೀ ಟಿ. ಬಾಲಚಂದ್ರ, ಭಾ.ಅ.ಸೇ.,

ಅಧಿಕಾರಿಯುತ ಅಧಿಕಾರಿಗಳು ಹಾಗೂ

ಉಪ ಅರಣ್ಯ ಸಂರಕ್ಷಣಾಧಿಕಾರಿಗಳು,

ಭದ್ರಾವತಿ ವಿಭಾಗ, ಭದ್ರಾವತಿ.

ಪಿರ್ಯಾಧಿದಾರರು : ವಲಯ ಅರಣ್ಯಾಧಿಕಾರಿ,

ತರೀಕೆರೆ ವಲಯ.

(ಪರ:ಸಹಾಯಕ ಸರ್ಕಾರಿ ಅಭಿಯೋಜಕರು, ಭದ್ರಾವತಿ)

ಅರ್ಜಿದಾರರು : ಶ್ರೀ ಸತೀಶ ಬಿನ್ ವಿಜಿಯಣ್ಣ,

ನಾಗಪ್ಪ ಕಾಲೋನಿ, ತರೀಕೆರೆ.

(ಪರವಾಗಿ: ಶ್ರೀ ಜಿ. ಯೋಗೀಶ, ವಕೀಲರು) ಪ್ರಕರಣದ ಹಿನ್ನೆಲೆ:-

ದಿನಾಂಕ: 23-08-2011 ರಂದು ತರೀಕೆರೆ ವಲಯದ ತ್ಯಾಗದಬಾಗಿ ಶಾಖೆ-1 ರ ವನಪಾಲಕರು ಮತ್ತು ಸಿಬ್ಬಂದಿಯವರು ಗಸ್ತು ಕಾರ್ಯವನ್ನು ನಿರ್ವಹಿಸುತ್ತಿರುವಾಗ, ತರೀಕೆರೆ ತಾಲ್ಲೂಕು, ಮಲ್ಲಿಗೇನಹಳ್ಳಿ-ಕೆಂಚಾಪುರ ರಸ್ತೆ ಮಾರ್ಗದಲ್ಲಿ ಅರಣ್ಯದಿಂದ ಒಂದು ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ: ಕೆಎ-18-ಎಲ್-1693 ರಲ್ಲಿ ಅಕ್ರಮವಾಗಿ ಸಾಗುವಾನಿ ತುಂಡು 1=0.108 ಎಂ3 ನ್ನು ಸಾಗಾಣಿಕೆ ಮಾಡುತ್ತಿರುವಾಗ ವಶಪಡಿಸಿಕೊಂಡು ಸ್ಥಳದಲ್ಲೇ ಪಂಚನಾಮೆ ಜರುಗಿಸಿ ಅರಣ್ಯ ಮೊಕದ್ದಮೆ ಸಂಖ್ಯೆ: 33/2011-12 ನ್ನು ದಾಖಲು ಮಾಡಿರುತ್ತಾರೆ. ಈ ಸಂಬಂಧ ಪ್ರಕರಣದ ದಾಖಲಾತಿಗಳನ್ನು ಈ ಕಛೇರಿ ನ್ಯಾಯಾಲಯ ಸಮಕ್ಷಮ ಹಾಜರುಪಡಿಸಿ ಪ್ರಕರಣವನ್ನು ಕರ್ನಾಟಕ ಅರಣ್ಯ ಕಾಯ್ದೆ 1963 ನಿಯಮ 24,50,62,80, 71(ಎ) ಹಾಗೂ ಅರಣ್ಯ ಕಾನೂನು 1969 ನಿಯಮ 144, 165 ರಂತೆ ಕ್ರಮ ಜರುಗಿಸಲು ಕೋರಿರುತ್ತಾರೆ. ದಾಖಲಾತಿಗಳನ್ನು ಪರಿಶೀಲಿಸಿ ಸರ್ಕಾರಿ ನಾಟಾ ಸಂಗ್ರಹಾಲಯ ತರೀಕೆರೆ ಇವರ ಸುರಕ್ಷತೆ ಕೊಡಲಾಗಿದೆ.

ವಾಹನದ ಮಾಲೀಕರು ದಿನಾಂಕ:03-10-2011 ರಂದು ಅರ್ಜಿ ಸಲ್ಲಿಸಿ ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನ ಸಂಖ್ಯೆ:ಕೆಎ-18-ಎಲ್-1693ರ ಮಾಲೀಕನಾಗಿರುತ್ತೇನೆ. ಸದರಿ ವಾಹನವನ್ನು ವಲಯ ಅರಣ್ಯಾಧಿಕಾರಿ, ತರೀಕೆರೆ ವಲಯ ಸಿಬ್ಬಂದಿ ವರ್ಗದವರು ಅಮಾನತ್ತು ಪಡಿಸಿಕೊಂಡಿರುತ್ತಾರೆ. ಸದರಿ ವಾಹನವನ್ನು ನನ್ನ ತಮ್ಮ ತೆಗೆದುಕೊಂಡು ಹೋಗಿದ್ದು, ಆ ಸಮಯದಲ್ಲಿ ಒಂದು ಪೋಲ್ಸ್‌ನ್ನು ಸೌದೆಗಾಗಿ ತಂದಿರುತ್ತಾನೆ. ವಾಹನವನ್ನು ಇನ್ನೊಬ್ಬರಿಂದ ಸಾಲವಾಗಿ ಪಡೆದಿರುತ್ತೇನೆ. ನಾನು ನಿರಪರಾಧಿ, ತಿಳಿಯದೇ ಈ ಕೃತ್ಯ ನಡೆದಿದ್ದು ವಾಹನ ಬಿಡುಗಡೆ ಮಾಡಬೇಕಾಗಿ ವಾಹನದ ಆರ್.ಸಿ. ಪುಸ್ತಕದ ದಾಖಲಾತಿಗಳನ್ನು ಒಪ್ಪಿಸಿ ಕೋರಿಕೊಂಡಿರುತ್ತಾರೆ.

(೨೬೯)

ದಿನಾಂಕ:22-10-2011 ರಂದು ವಾಹನದ ಮಾಲೀಕರಿಗೆ ಅರಣ್ಯ ಕಾಯ್ದೆ 71(ಬಿ) ಪ್ರಕಾರ ವಾಹನವವನ್ನು ಸರ್ಕಾರಕ್ಕೆ ಏಕೆ ಮುಟ್ಟುಗೋಲು ಮಾಡಿಕೊಳ್ಳಬಾರದು ಎಂಬುವ ಬಗ್ಗೆ ಸಮಜಾಯಿಸಿ ನೀಡಲು ಕಾರಣ ಕೇಳಿ ತಿಳುವಳಿಕೆ ಪತ್ರ ನೀಡಿರುತ್ತದೆ. ವಾಹನದ ಮಾಲೀಕರು 28-01-2012 ರಂದು ಸಮಜಾಯಿಸಿ ನೀಡಿ, ನನ್ನ ವಾಹನವು ಯಾವುದೇ ಕಾನೂನು ಬಾಹಿರ ಚಟುವಟಿಕೆಯಲ್ಲಿ ಭಾಗವಹಿಸಿರುವುದಿಲ್ಲ. ನನ್ನ ವಾಹನವನ್ನು ಯಾವುದೇ ವ್ಯಕ್ತಿಗಾಗಲೀ ಅಕ್ರಮವಾಗಿ ವಾಹನವನ್ನು ಚಲಾಯಿಸಲು ನೀಡಿರುವುದಿಲ್ಲ. ಉದ್ದೇಶ ಪೂರ್ವಕವಾಗಿ ಈ ಪ್ರಕರಣದಲ್ಲಿ ಸೇರಿಸಲಾಗಿದೆ. ಈ ವಾಹನ ಬಿಡುಗಡೆಗಾಗಿ ಸೂಕ್ತವಾದ ಅರ್ಜಿಯನ್ನು ವಕೀಲರ ಮುಖಾಂತರ ದಾಖಲಿಸುತ್ತಿದ್ದು ಮತ್ತು ಸೂಕ್ತ ಜಾಮೀನನ್ನು ಕೇಸು ಮುಗಿಯುವರೆಗೆ ನೀಡಲು ಸಿದ್ಧನಿರುತ್ತೇನೆ. ಯಾವುದೇ ಸೂಕ್ತ ಷರತ್ತುಗಳನ್ನು ವಿಧಿಸಿದಲ್ಲಿ ಪೂರೈಸಲು ಬದ್ಧನಾಗಿರುತ್ತೇನೆಂದು ಮನವಿ ಮಾಡಿಕೊಂಡಿರುತ್ತಾರೆ.

ದಿನಾಂಕ:18-07-2013 ರಂದು ಸರ್ಕಾರಿ ಸಹಾಯಕ ಅಭಿಯೋಜಕರು, ಭದ್ರಾವತಿ ಇವರು ಅಕ್ಷೇಪಣೆ ವರದಿ ಒಪ್ಪಿಸಿ ಮೇಲ್ಕಂಡ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅರ್ಜಿದಾರರು/ವಾಹನದ ಮಾಲೀಕರ ನೇಮಿಸಿದಂತಹ ಪ್ರತಿನಿಧಿಗಳು ಅಪರಾಧದಲ್ಲಿ ಭಾಗಿ ಆಗಿರುವುದು ಮೇಲುನೋಟಕ್ಕೆ ಕಂಡುಬಂದಿರುತ್ತದೆ. ಪ್ರಕರಣಕ್ಕೆ ಸಂಬಂಧಿಸಿದ ವಾಹನವನ್ನು ಈ ಹಂತದಲ್ಲಿ ಬಿಡುಗಡೆ ಮಾಡಿದಲ್ಲಿ ವಾಹನದ ಬಣ್ಣ ಚಹರೆ ಹಾಗೂ ವಾಹನದ ಬಿಡಿ ಭಾಗಗಳನ್ನು ಬದಲಿಸುವ ಸಾಧ್ಯತೆಯಿರುತ್ತದೆ. ಹಾಗೂ ವಾಹನವನ್ನು ದುರ್ಬಳಕೆಗೆ ಉಪಯೋಗಿಸುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಇದರಿಂದ ಮುಂದಿನ ತನಿಖೆಗೆ ಅಡಚಣೆ ಉಂಟಾಗುವ ಸಾದ್ಯತೆ ಹೆಚ್ಚಿರುತ್ತದೆ. ಆದ್ದರಿಂದ ವಾಹನವನ್ನು ಈ ಹಂತದಲ್ಲಿ ಬಿಡುಗಡೆ ಮಾಡಬಾರದಾಗಿ ವಿನಂತಿಸಿರುತ್ತಾರೆ.

ಮೇಲ್ಕಂಡ ಪ್ರಕರಣದ ಬಗ್ಗೆ ಪಿರ್ಯಾಧಿದಾರರು ಸಲ್ಲಿಸಿದ ದಾಖಲಾತಿಗಳು ಅರ್ಜಿದಾರರು ವಕೀಲರ ಮುಖಾಂತರ ಸಲ್ಲಿಸಿದ ಮಧ್ಯಂತರ ಅರ್ಜಿ ಹಾಗೂ ಸಮಜಾಯಿಷಿ ಮತ್ತು ಸಹಾಯಕ ಸರ್ಕಾರಿ ಅಭಿಯೋಜಕರು, ಜೆ.ಎಂ.ಎಫ್.ಸಿ. ನ್ಯಾಯಾಲಯ, ಭದ್ರಾವತಿರವರು ಸಲ್ಲಿಸಿದ ತಕರಾರು ಅರ್ಜಿಗಳನ್ನು ಕೂಲಂಕುಷವಾಗಿ ಪರಿಶೀಲಿಸಿ ಪ್ರಕರಣದ ಬಗ್ಗೆ ವಿಚಾರಣೆಯ ಅವಶ್ಯಕತೆ ಇದೆ ಎಂದು ಭಾವಿಸಿ ಅಭಿಯೋಜನಾ ವತಿಯಿಂದ ಸಾಕ್ಷಿದಾರರನ್ನು ಹಾಗೂ ಡಿಫೆನ್ಸ್ ವತಿಯಿಂದ ಸಾಕ್ಷಿದಾರರ ಹೇಳಿಕೆಯನ್ನು ಪಡೆದು ವಾದ ವಿವಾದವನ್ನು ಆಲಿಸಿ ಪ್ರಕರಣದ ಬಗ್ಗೆ ಅಂತಿಮ ಆದೇಶ ಹೊರಡಿಸಲು ಈ ಕಛೇರಿ ನ್ಯಾಯಾಲಯದಲ್ಲಿ ದಿನಾಂಕ:13-06-2013 ರಿಂದ 30-11-2017 ರವರೆಗೆ ವಿವಿಧ ದಿನಾಂಕಗಳನ್ನು ಗೊತ್ತುಪಡಿಸಿ ಪ್ರಕರಣದ ಬಗ್ಗೆ ಅಂತಿಮ ಆದೇಶ ಹೊರಡಿಸಲು ವಿಚಾರಣೆಯನ್ನು ನಡೆಸಿರುತ್ತದೆ. ದಿನಾಂಕ:11-06-2015 ರಂದು ಶ್ರೀ ಆರ್. ಸಂಗ್ಯಾನಾಯ್ಕ, ಉಪ ವಲಯ ಅರಣ್ಯಾಧಿಕಾರಿ, ತರೀಕೆರೆ ಇವರನ್ನು ಪಿ.ಡಬ್ಲ್ಯೂ1 ಸಾಕ್ಷಿದಾರರನ್ನಾಗಿ ವಿಚಾರಣೆಯನ್ನು ಅಭಿಯೋಜನಾವತಿಯಿಂದ ಮಾಡಲಾಗಿರುತ್ತದೆ. ಅರ್ಜಿದಾರರ ಪರ ವಕೀಲರು ಹಾಗೂ ಅರ್ಜಿದಾರರು ಸುರ್ಧೀಘವಾಗಿ ಗೈರು ಹಾಜರಾಗಿರುವುದರಿಂದ ಪಾಟೀ ಸವಾಲು ಇಲ್ಲವೆಂದು ತೀರ್ಮಾನಿಸಲಾಯಿತು.

ಪ್ರತಿವಾದಿಯ ಪರವಾಗಿ ವಾಹನದ ಮಾಲೀಕರಾದ ಶ್ರೀ ಸತೀಶ ಬಿನ್ ವಿಜಿಯಣ್ಣ, ನಾಗಪ್ಪ ಕಾಲೋನಿ, ತರೀಕೆರೆ ಇವರಿಗೆ ವಿಚಾರಣೆಗೆ ಹಾಜರಾಗಿ ತಮ್ಮ ವಾಹನದಲ್ಲಿ ಯಾವುದೇ ಅಕ್ರಮ ಅರಣ್ಯ ಉತ್ಪನ್ನ ಸಾಗಾಣಿಕೆಯಾಗಿರವುದಿಲ್ಲ ಎಂದು ನಿರೂಪಿಸಲು ಈ ನ್ಯಾಯಾಲಯದಿಂದ ಹಲವಾರು ಬಾರಿ ನೋಟೀಸ್ ಜಾರಿ ಮಾಡಿ ತಿಳಿಸಿದರು ಸಹ ಗೈರು ಹಾಜರಾಗಿರುತ್ತಾರೆ.

ಈ ಪ್ರಕರಣದಲ್ಲಿ ಪ್ರಾಧಿಕಾರಕ್ಕೆ ಹಾಜರುಪಡಿಸಿದ ದಾಖಲಾತಿಗಳನ್ನು ಹಾಗೂ ಅರ್ಜಿದಾರರ ಪರವಾಗಿ ನ್ಯಾಯವಾದಿಗಳು ಸಲ್ಲಿಸಿದ ಅರ್ಜಿ ಹಾಗೂ ಪಿರ್ಯಾಧಿ ಪರ ಸಹಾಯಕ ಸರ್ಕಾರಿ ಅಭಿಯೋಜಕರು ಹಾಗೂ ಅರ್ಜಿದಾರರ ಪರ ಮಂಡಿಸಿದ ವಾದ ವಿವಾದವನ್ನು ಪರೀಶಿಲಿಸಿ ಆಲಿಸಲಾಯಿತು.

ಈ ಪ್ರಕರಣದಲ್ಲಿ ವಾಸ್ತಾವಾಂಶ ಮತ್ತು ಕಾನೂನಿನ ವಸ್ತುಸ್ಥಿತಿ ಲಭ್ಯವಿದ್ದ ವಿಷಯ ಸಾಮಗ್ರಿಗಳ ತಳಹದಿಯ ಮೇಲೆ ಗಮನಿಸಿ ಪರಿಗಣಿಸಬೇಕಾದ ಅಂಶಗಳು ಈ ಕೆಳಗಿನಂತಿದೆ.

1. ಅರ್ಜಿದಾರರ ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ:ಕೆಎ-18-ಎಲ್-1693 ರ ವಾಹನದಲ್ಲಿ ಸಾಗುವಾನಿ ತುಂಡು 1=0.108 ಎಂ3 ನ್ನು ದಿನಾಂಕ:23-08-2011 ರಂದು ಕಾನೂನಿಗೆ ವಿರುದ್ಧವಾಗಿ ಸಾಗಿಸಲು ಉಪಯೋಗಿಸಲಾಗಿತ್ತೆ? ಹಾಗೂ ಈ ರೀತಿ ಸಾಗಿಸುವ ಮುಖಾಂತರ ಅರಣ್ಯ ಅಪರಾಧವೆಸಗಿ ಕರ್ನಾಟಕ ಅರಣ್ಯ ಕಾಯಿದೆ ಮತ್ತು ನಿಯಮ ಉಲ್ಲಂಘಿಸಲಾಗಿದೆಯೇ?

2. ಕರ್ನಾಟಕ ಅರಣ್ಯ ಕಾಯ್ದೆಯಂತೆ 71(ಬಿ) (1) ರ ಪ್ರಕಾರ ವಾಹನದ ಮಾಲೀಕರಿಗೆ ಕಾರಣ ಕೇಳಿ ನೋಟೀಸ್ ನೀಡಲಾಗಿದೆಯೇ ಅವರ ಅಹವಾಲನ್ನು ಮಂಡಿಸಿ ಸಮರ್ಥಿಸಿಕೊಳ್ಳಲು ಸಾಕಷ್ಟು ಅವಕಾಶ ನೀಡಲಾಗಿದೆಯೇ?

3. ವಾಹನದ ಮಾಲೀಕರು ಅಥವಾ ಕೆಲಸಗಾರರು ಆಥವಾ ಅವರ ಪ್ರತಿನಿಧಿಗಳು ವಾಹನದಲ್ಲಿ ಅಕ್ರಮವಾಗಿ ಸರ್ಕಾರದ ಸ್ವತ್ತಾದ ಅರಣ್ಯ ಉತ್ಪನ್ನವನ್ನು ಸಾಗಿಸಲು ಶಾಮೀಲಾಗಿದ್ದಾರೆಯೇ? ಹಾಗೂ ವಾಹನದ ಮಾಲೀಕರ ಪ್ರತಿನಿಧಿಗಳ ಗಮನಕ್ಕೆ ಬಾರದಂತೆಯೇ ವಾಹನವನ್ನು ಅರಣ್ಯ ಉತ್ಪನ್ನ ಕಳ್ಳ ಸಾಗಾಣಿಕೆಗೆ ಉಪಯೋಗಿಸಲಾಗಿದೆಯೇ? ಹಾಗೂ ಈ ವಾಹನವನ್ನು ಇಂತಹ ಅಕ್ರಮ ಕಾನೂನು ಬಾಹಿರ ಅರಣ್ಯ ಉತ್ಪನ್ನ ಸಾಗಾಣಿಕೆಗೆ ಉಪಯೋಗಿಸಿ ಕಾನೂನು ಬಾಹಿರ ಅರಣ್ಯ ಉತ್ಪನ್ನ ಸಾಗಾಣಿಕೆಗೆ ಉಪಯೋಗಿಸದಂತೆ ವಾಹನದ ಮಾಲೀಕರು ಅಥವಾ ಚಾಲಕರು ಅಥವಾ ಅವರ ಪ್ರತಿನಿಧಿಗಳು ಸಾಕಷ್ಟು ಸೂಕ್ತ ಮುನ್ನೆಚ್ಚರಿಕೆ ತೆಗೆದುಕೊಂಡಿರುತ್ತಾರೆಯೇ?

4. ಏನು ತೀರ್ಮಾನಕ್ಕೆ ಬರಬಹುದಾಗಿದೆ?

ಈ ಮೇಲಿನ ಅಂಶಗಳಿಗೆ ಈ ಕೆಳಗಿನಂತೆ ಉತ್ತರಿಸಿ ಈ ಕೆಳಗಿನಂತೆ ತೀರ್ಮಾನಕ್ಕೆ ಬರಲಾಗಿದೆ. ಅದಕ್ಕೆ ಕಾರಣಗಳನ್ನು ಈ ಕೆಳಗಿನಂತೆ ನೀಡಲಾಗಿದೆ. 1. 1ನೇ ಅಂಶಕ್ಕೆ ಹೌದು ಎಂತಲೂ 2. 2ನೇ ಅಂಶಕ್ಕೆ ಹೌದು ಎಂತಲೂ 3. 3ನೇ ಅಂಶಕ್ಕೆ ಮೊದಲನೇ ಭಾಗದ ಪ್ರಶ್ನೆಗೆ ಹೌದು ಎಂದು ಎರಡು ಮತ್ತು 3ನೇ ಭಾಗದ ಪ್ರಶ್ನೆಗೆ ಇಲ್ಲ ಎಂದಾಗಿರುತ್ತದೆ.

ಕಾರಣಗಳು

ಅಂಶ-1

ದಿನಾಂಕ: 23-08-2011 ರಂದು ತರೀಕೆರೆ ವಲಯದ ತ್ಯಾಗದಬಾಗಿ ಶಾಖೆ-1 ರ ವನಪಾಲಕರು ಮತ್ತು ಸಿಬ್ಬಂದಿಯವರು ಗಸ್ತು ಕಾರ್ಯವನ್ನು ನಿರ್ವಹಿಸುತ್ತಿರುವಾಗ, ತರೀಕೆರೆ ತಾಲ್ಲೂಕು, ಮಲ್ಲಿಗೇನಹಳ್ಳಿ-ಕೆಂಚಾಪುರ ರಸ್ತೆ ಮಾರ್ಗದಲ್ಲಿ ಅರಣ್ಯದಿಂದ ಒಂದು ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ: ಕೆಎ-18-ಎಲ್-1693 ರಲ್ಲಿ ಅಕ್ರಮವಾಗಿ ಸಾಗುವಾನಿ ತುಂಡು 1=0.108 ಎಂ3 ನ್ನು ಸಾಗಾಣಿಕೆ ಮಾಡುತ್ತಿರುವಾಗ ವಶಪಡಿಸಿಕೊಂಡು ಸ್ಥಳದಲ್ಲೇ ಪಂಚನಾಮೆ ಜರುಗಿಸಿ ಅರಣ್ಯ ಮೊಕದ್ದಮೆ ಸಂಖ್ಯೆ: 33/2011-12 ನ್ನು ದಾಖಲು ಮಾಡಿರುತ್ತಾರೆ. ಈ ಸಂಬಂಧ ಪ್ರಕರಣದ ದಾಖಲಾತಿಗಳನ್ನುಭಾಗ ೩ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ೨೭೧ ಈ ಕಛೇರಿ ನ್ಯಾಯಾಲಯ ಸಮಕ್ಷಮ ಹಾಜರುಪಡಿಸಿ ಪ್ರಕರಣವನ್ನು ಕರ್ನಾಟಕ ಅರಣ್ಯ ಕಾಯ್ದೆ 1963 ನಿಯಮ 50, 62, 80, 71(ಎ) ಹಾಗೂ ಅರಣ್ಯ ಕಾನೂನು 1969 ನಿಯಮ 144, 165 ರಂತೆ ಕ್ರಮ ಜರುಗಿಸಲು ಕೋರಿರುತ್ತಾರೆ. ದಾಖಲಾತಿಗಳನ್ನು ಪರಿಶೀಲಿಸಿ ಅರಣ್ಯ ಕಾಯ್ದೆ 71 (ಎ) ಪ್ರಕಾರ ಕ್ರಮ ಜರುಗಿಸಿ ವಾಹನವನ್ನು ವಲಯ ಅರಣ್ಯಾಧಿಕಾರಿ, ಸರ್ಕಾರಿ ನಾಟ ಸಂಗ್ರಹಾಲಯ, ತರೀಕೆರೆ ಇವರ ವಶಕ್ಕೆ ಕೊಡಲಾಗಿರುತ್ತದೆ.

ಈ ಪ್ರಕರಣದಲ್ಲಿ ದಿನಾಂಕ:11-06-2015 ರಂದು ಶ್ರೀ ಪಿ. ಸಂಗ್ಯಾನಾಯ್ಕ, ಉಪ ವಲಯ ಅರಣ್ಯಾಧಿಕಾರಿ, ತರೀಕೆರೆ ವಲಯ ಇವರು ಪಿ.ಡಬ್ಲ್ಯೂ1 ಸಾಕ್ಷಿದಾರರನ್ನಾಗಿ ಅಭಿಯೋಜನಾವತಿಯಿಂದ ವಿಚಾರಣೆ ಮಾಡಲಾಗಿ ದಿನಾಂಕ:23-08-2011 ರಂದು ಮಲ್ಲೇಗೆನಹಳ್ಳಿ-ಕೆಂಚಾಪುರ ರಸ್ತೆಯಲ್ಲಿ ನಾನು & ಇಲಾಖಾ ಸಿಬ್ಬಂದಿಯೊಂದಿಗೆ ಗಸ್ತು ಮಾಡುತ್ತಿರುವಾಗ ಸುಮಾರು ರಾತ್ರಿ 9-.00 ರಿಂದ 9.30 ರ ಸಮಯದಲ್ಲಿ ಒಂದು ಬೈಕ್ ಬರುವುದು ಕಂಡುಬಂದಿತ್ತು.

ಬ್ಯಾಟರಿ ಬೆಳಕಿನ ಸಹಾಯದಿಂದ ವಾಹನವನ್ನು ನಿಲ್ಲಿಸಲು ಸೂಚಿಸಿದೆವು. ಅದರಲ್ಲಿ 2 ಜನ ಇದ್ದರು. ವಾಹನದಲ್ಲಿದ್ದ ಅಸಾಮಿಗಳ ನಮ್ಮನ್ನು ನೊಡಿ ಓಡಿ ಹೋಗಲು ಪ್ರಯತ್ನಿಸಿದ್ದು .ಒಬ್ಬ ಅಸಾಮಿಯನ್ನು ಹಿಡಿದುಕೊಂಡು ವಾಹನದ ಹತ್ತಿರ ಕರೆದುಕೊಂಡು ಬಂದೆವು ವಾಹನವನ್ನು ಪರಿಶೀಲಿಸಿದಾಗ ಸಾಗುವಾನಿ ಜಾತಿಯ 1 ತುಂಡು ಇರುವುದು ಕಂಡುಬಂದಿತ್ತು. ಸದರಿ ತುಂಡನ್ನು ಕೊಡಲಿಯಿಂದ ಕಡಿದಿರುತ್ತಾರೆ. ಸದರಿ ತುಂಡಿನ ಬಗ್ಗೆ ವಿಚಾರಿಸಿದಾಗ ಊರಿನಿಂದ ತರುತ್ತಿರುವುದಾಗಿ ಈ ಬಗ್ಗೆ ಯಾವುದು ರಹದಾರಿ ಇಲ್ಲವೆಂದು ತಿಳಿಸಿರುತ್ತಾರೆ. ನಂತರ ವಿಳಾಸ ವಿಚಾರಿಸಿದಾಗ ಅವನ ಹೆಸರು ಮದು ಬಿನ್ ವಿಜಿಯಪ್ಪ, ನಾಗಪ್ಪ ಕಾಲೋನಿ ತರೀಕೆರೆ ವಾಸಿ ಎಂದು ತಿಳಿಸಿರುತ್ತಾರೆ. ಮರದ ತುಂಡು ಹಾಗೂ ವಾಹನವನ್ನು ವಶಕ್ಕೆ ತೆಗೆದುಕೊಂಡು ಮರದ ತುಂಡಗಳನ್ನು ಅಳತೆ ಮಾಡಿ ಅಸಾಮಿಯು ಕಾಡಿನಿಂದ ಅಕ್ರಮವಾಗಿ ತುಂಡನ್ನು ಕಡಿದು ತಂದಿರುವುದರಿಂದ ಆತನನ್ನು ಸಹ ವಾಹನ ಸಮೇತ ದಸ್ತಗಿರಿ ಮಾಡಿರುತ್ತೇವೆ. ವಾಹನ ಸಂ:ಕೆಎ-18-ಎಲ್-1693 ಆಗಿರುತ್ತದೆ. ಮರದ ತುಂಡಿಗೆ ಕ್ರ.ಸಂ.1 ಎಂದು, ವಾಹನಕ್ಕೆ 2 ಎಂದು ಬಿಳಿ ಬಣ್ಣದಿಂದ ಸಂಖ್ಯೆಯನ್ನು ಕೊಟ್ಟಿರುತ್ತೇನೆ. ವಲಯ ಕಛೇರಿಯನ್ನು ಸಂಪರ್ಕಿಸಿ ಅ.ಮೊ.ಸಂ.ಯನ್ನು ಪಡೆದು. ಅ.ಮೊ.ಸಂ.:33/2011-12 ಎಂದು ಕೊಟ್ಟು ವಾಹನ ಮತ್ತು ತುಂಡಿನ ಮೇಲೆ ನಮೂದಿಸಿರುತ್ತೇನೆ.

ತುಂಡಿನ ಮೇಲೆ ಇಲಾಖಾ ಚಾಪಾ ಕೆ.ಎನ್/ಎಫ್.ಡಿ.ಎಫ್.19ಬಿಬಿ ಎಂದು ಮುದ್ರಿಸಲಾಯಿತು. ಈ ಬಗ್ಗೆ ಸ್ಥಳದಲ್ಲೇ ಮಹಜರ್ ಕ್ರಮ ಜರುಗಿಸಲಾಯಿತು.

ಮಹಜರ್‌ನ್ನು ಯಾರು ಸಾರ್ವಜನಿರು ಸಹಕರಿಸದ ಕಾರಣ ಇಲಾಖೆಯವರೇ ಪಂಚರನ್ನಾಗಿ ಮಾಡಲಾಯಿತು. 5 ಗಾರ್ಡ್ ಮತ್ತು 2 ಫಾರೆಸ್ಟರ್ ಇದ್ದೇವು.

ನವೀನ ಕುಮಾರ್, ಮಂಜುನಾಥ ಮೋನಾಮಿ, ಮೋಹನ್ ಈಶ್ವರನಾಯ್ಕ, ಮುನ್ನಾವರ ಪಾಷಾ, ಪ್ರಶಾಂತ್ ಕುಮ್ಮಣ್ಣನವರ್ ಅರಣ್ಯ ರಕ್ಷಕ ಇವರು ಸ್ಥಳ ಮಹಜರ್‌ನ್ನು ಬರೆದಿರುತ್ತಾರೆ. ವಿ. ಜಗದೀಶ ಹಾಗೂ ನಾನು ಹಾಜರಿರುತ್ತೇನೆ. ಸ್ಥಳ ಮಹಜರ್ ನ್ನು ಈಗ ನಾನು ನೋಡುತ್ತಿದ್ದು, ಅದರನ್ನು ನಿಶಾನೆ ಪಿ1.

ಎಂದು ಅದರಲ್ಲಿರುವ ನನ್ನ ಸಹಿಯನ್ನು ಪಿ1ಎ ಎಂದು ಗುರುತಿಸಲಾಯಿತು. ಪ್ರ.ಮಾ.ವರದಿಯನ್ನು ನಿಶಾನೆ ಪಿ2 ಅದರಲ್ಲಿರುವ ನನ್ನ ಸಹಿಯನ್ನು ನಿಶಾನೆ ಪಿ2ಎ ಎಂದು ಗುರುತಿಸಲಾಯಿತು. ವಶಪಡಿಸಿಕೊಂಡು ಅಮಾನತ್ತು ವರದಿಯನ್ನು ನಿಶಾನೆ ಪಿ3 ಎಂದು ಅದರಲ್ಲಿರುವ ನನ್ನ ಸಹಿಯನ್ನು ಪಿ3ಎ ಎಂದು ಗುರುತಿಸಲಾಯಿತು.

ಅರ್ಜಿದಾರರವತಿಯಿಂದ ಅಭಿಯೋಜನಾ ಸಾಕ್ಷಿದಾರರನ್ನು ಪಾಟೀ ಸವಾಲು ಮಾಡಲು ಅನೇಕ ಬಾರಿ ನೋಟೀಸ್ ಜಾರಿ ಮಾಡಿದರು ಸಹ ಅರ್ಜಿದಾರರಾಗಲೀ ಅಥವಾ ಪರ ವಕೀಲರಾಗಲೀ ನ್ಯಾಯಾಲಯಕ್ಕೆ ಹಾಜರಾಗದೇ ಗೈರುಹಾಜರಾಗಿರುತ್ತಾರೆ. ಆದ್ದರಿಂದ ಪಾಟೀ ಸವಾಲು ಇಲ್ಲವೆಂದು ತೀರ್ಮಾನಿಸಲಾಯಿತು.

ಅಭಿಯೋಜನವಾವತಿಯಿಂದ ಸಾಕ್ಷಿದಾರರಿಗೆ ಮಾಡಿದ ಮುಖ್ಯ ವಿಚಾರಣೆಯಲ್ಲಿ ಅರ್ಜಿದಾರರ ವಾಹನವು ಸಾಗುವಾನಿ ತುಂಡನ್ನು ಸಾಗಿಸಲು ಉಪಯೋಗಿಸಲಾಗಿತ್ತು ಎಂಬುದನ್ನು ದೃಡಪಡಿಸಿರುತ್ತಾರೆ. ಅರ್ಜಿದಾರರ ಪರ ವಕೀಲರು ಯಾವುದೇ ಪಾಟೀ ಸವಾಲು ಮಾಡಿರುವುದಿಲ್ಲ. ಅರ್ಜಿದಾರರು ಹಾಗೂ ಅವರ ವಾಹನ ಮಾಲೀಕರು ಗೈರು ಹಾಜರಾಗಿರುತ್ತಾರೆ. ಈ ಪ್ರಕರಣದ ವಾಹನದಲ್ಲಿ ಅರಣ್ಯ ಉತ್ಪನ್ನ ಸಾಗಿಸಿರುವುದು ದೃಡಪಟ್ಟಿರುತ್ತದೆ. ಆದ್ದರಿಂದ ಅಂಶ-1ಕ್ಕೆ ನನ್ನ ಉತ್ತರ ಹೌದು ಎಂಬುದಾಗಿದೆ.

ಅಂಶ-2:-

ಈ ಪ್ರಕರಣದಲ್ಲಿ ಅಮಾನತ್ತುಪಡಿಸಿದ ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ:ಕೆಎ-18-ಎಲ್-1693 ರ ಮಾಲೀಕರಾದ ಶ್ರೀ ಸತೀಶ ಬಿನ್ ವಿಜಿಯಣ್ಣ, ನಾಗಪ್ಪ ಕಾಲೋನಿ, ತರೀಕೆರೆ ಇವರು ದಿನಾಂಕ:03-10-2011 ರಂದು ಈ ನ್ಯಾಯಾಲಯಕ್ಕೆ ಮಧ್ಯಂತರ ಸ್ವಾಧೀನಕ್ಕೆ ಬಿಡುಗಡೆ ಮಾಡಲು ಕೋರಿ ಅರ್ಜಿ ಸಲ್ಲಿಸಿರುತ್ತಾರೆ. ದಿನಾಂಕ:22-10-2011 ರಂದು ವಾಹನದ ಮಾಲೀಕರಿಗೆ ಅರಣ್ಯ ಕಾಯ್ದೆ 1963 71 (ಬಿ) ಪ್ರಕಾರ ಕಾರಣ ಕೇಳಿ ತಿಳುವಳಿಕೆ ಪತ್ರ ನೀಡಿರುತ್ತದೆ. ಅರ್ಜಿದಾರರು ದಿನಾಂಕ:28-01-2012 ರಂದು ಸಮಾಜಾಯಿಷಿಯನ್ನು ನೀಡಿರುತ್ತಾರೆ. ಆದ ಕಾರಣ ಕರ್ನಾಟಕ ಅರಣ್ಯ ಕಾಯಿದೆ 1963 ಸೆಕ್ಷನ್ 71(ಬಿ)ಪ್ರಕಾರ ಆರ್.ಸಿ. ಮಾಲೀಕರಿಗೆ ಅವಕಾಶ ನೀಡಿರುವುದಾಗಿ ತೀರ್ಮಾನಿಸಿರುತ್ತೇನೆ. ಅದ್ದರಿಂದ ಕಾರಣ ಅಂಶ 2ಕ್ಕೆ ನನ್ನ ಉತ್ತರ ಹೌದು ಎಂಬುದಾಗಿದೆ.

ಅಂಶ-3:-

ವಾಹನದ ಮಾಲೀಕರು ದಿನಾಂಕ:03-10-2011 ರಂದು ಅರ್ಜಿ ಸಲ್ಲಿಸಿ ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ:ಕೆಎ-18-ಎಲ್-1693 ರ ಮಾಲೀಕನಾಗಿರುತ್ತೇನೆ. ಸದರಿ ವಾಹನವನ್ನು ವಲಯ ಅರಣ್ಯಾಧಿಕಾರಿ, ತರೀಕೆರೆ ವಲಯ ಸಿಬ್ಬಂದಿ ವರ್ಗದವರು ಅಮಾನತ್ತು ಪಡಿಸಿಕೊಂಡಿರುತ್ತಾರೆ. ಸದರಿ ವಾಹನವು ಯಾವುದೇ ಕಾನೂನು ಬಾಹಿರ ಚಟುವಟಿಕೆಯಲ್ಲಿ ಭಾಗವಹಿಸಿರುವುದಿಲ್ಲ. ನನ್ನ ವಾಹನವನ್ನು ಯಾವುದೇ ವ್ಯಕ್ತಿಗಾಗಲೀ ಅಕ್ರಮವಾಗಿ ವಾಹನವನ್ನು ಚಲಾಯಿಸಲು ನೀಡಿರುವುದಿಲ್ಲ. ಉದ್ದೇಶ ಪೂರ್ವಕವಾಗಿ ಈ ಪ್ರಕರಣದಲ್ಲಿ ಸೇರಿಸಲಾಗಿದೆ. ಈ ವಾಹನ ಬಿಡುಗಡೆಗಾಗಿ ಸೂಕ್ತವಾದ ಅರ್ಜಿಯನ್ನು ವಕೀಲರ ಮುಖಾಂತರ ದಾಖಲಿಸುತ್ತಿದ್ದು ಮತ್ತು ಸೂಕ್ತ ಜಾಮೀನನ್ನು ಕೇಸು ಮುಗಿಯುವರೆಗೆ ನೀಡಲು ಸಿದ್ಧನಿರುತ್ತೇನೆ. ಯಾವುದೇ ಸೂಕ್ತ ಷರತ್ತುಗಳನ್ನು ವಿಧಿಸಿದಲ್ಲಿ ಪೂರೈಸಲು ಬದ್ಧನಾಗಿರುತ್ತೇನೆಂದು ಮನವಿ ಮಾಡಿಕೊಂಡಿರುತ್ತಾರೆ.

ವಾಹನವನ್ನು ಸಾಲ ಮಾಡಿ ಖರೀದಿಸಿದ್ದು, ಸಾಲದ ಕಂತನ್ನು ಸದರಿ ವಾಹನದ ಉತ್ಪತ್ತಿಯಿಂದಲೇ ತೀರಿಸಬೇಕಾಗಿರುತ್ತದೆ. ಕಛೇರಿ ಬಯಲಿನಲ್ಲಿ ವಿಚಾರಣೆ ಮುಗಿಯುವವರೆಗೂ ನಿಲ್ಲಿಸಿದ್ದಲ್ಲಿ ಅದು ಉಪಯೋಗಕ್ಕೆ ಬಾರದಂತೆ ಆಗುತ್ತದೆ. ನ್ಯಾಯಾಲಯವು ಒದಗಿಸುವ ಷರತ್ತಿಗೆ ಬದ್ಧನಾಗಿರುತ್ತೇನೆ.

ವಾಹನವನ್ನು ತಾತ್ಕಾಲಿಕವಾಗಿ ಬಿಡುಗಡೆ ಮಾಡಬೇಕೆಂದು ಕೋರಿಕೊಂಡಿರುತ್ತಾರೆ. ದಿನಾಂಕ:22-10-2011 ರಂದು ವಾಹನದ ಮಾಲೀಕರಿಗೆ ಅರಣ್ಯ ಕಾಯ್ದೆ೨೭೨ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ಭಾಗ ೩ 71(ಬಿ) ಪ್ರಕಾರ ನೋಟೀಸ್ ನೀಡಿರುತ್ತದೆ. ದಿನಾಂಕ:28-01-2012 ರಂದು ಸಮಜಾಯಿಷಿ ನೀಡಿರುತ್ತಾರೆ. ಈ ಪ್ರಕರಣದ ಬಗ್ಗೆ ಅಂತಿಮ ಆದೇಶ ಹೊರಡಿಸಲು ಸಂಪೂರ್ಣ ವಿಚಾರಣೆ ಅವಶ್ಯಕತೆ ಇದೆ ಎಂದು ಸಾಕ್ಷಿದಾರರಿಗೆ ಸಮನ್ಸ್ ಜಾರಿ ಮಾಡಿ ವಿಚಾರಣೆಯನ್ನು ನಿಗಧಿಪಡಿಸಲಾಗಿರುತ್ತದೆ.

ಈ ಪ್ರಕರಣದ ಬಗ್ಗೆ ಡಿಫೆನ್ಸ್ ಪರವಾಗಿ ಅರ್ಜಿದಾರರ ವಿಚಾರಣೆ ಮಾಡಲು ಹಾಗೂ ಅವರ ಬಳಿ ಇರುವ ಸಾಕ್ಷ್ಯಧಾರಗಳನ್ನು ಹಾಜರು ಪಡಿಸಲು ಹಲವಾರು ದಿನಾಂಕಗಳಂದು ನೋಟಿಸ್ ಜಾರಿ ಮಾಡಿ ನ್ಯಾಯಾಲಯಕ್ಕೆ ಹಾಜರಾಗಲು ಸೂಚಿಸಿದ್ದರು. ನ್ಯಾಯಾಲಯಕ್ಕೆ ಹಾಜರಾಗದೆ ಹಾಗೂ ಯಾವುದೇ ಸಾಕ್ಷ್ಯದಾರಗಳನ್ನು ಹಾಜರುಪಡಿಸದೇ ಗೈರು ಹಾಜರಾಗಿರುತ್ತಾರೆ. ಅರ್ಜಿದಾರರ ವಾಹನದಲ್ಲಿ ಅಕ್ರಮ ಅರಣ್ಯ ಉತ್ಪನ್ನಗಳು ಸಾಗಾಣಿಕೆಗೆ ಬಳಕೆಯಾಗದಂತೆ ವಾಹನದ ಮಾಲೀಕರು ಅಥವಾ ಅದರ ಪ್ರತಿನಿಧಿಗಳು ಅಥವಾ ಅದಕ್ಕೆ ಸಂಬಂಧಪಟ್ಟವರು ವಾಹನವನ್ನು ಸರ್ಕಾರದ ಸೊತ್ತಾದ ಅರಣ್ಯ ಉತ್ಪನ್ನವನ್ನು ರಹದಾರಿಯಿಲ್ಲದೇ ಕಳ್ಳ ಸಾಗಾಣಿಕೆಗೆ ಬಳಸಿದಾಗ ಅದು ತನ್ನ ಗಮನಕ್ಕೆ ಬಾರದಂತೆ ಈ ಕೃತ್ಯ ನಡೆದಿದೆ ಎಂಬುದನ್ನು ಸಮರ್ಥಿಸುವ ಸಾಕ್ಷ್ಯಧಾರಗಳನ್ನು ವಾಹನದ ಮಾಲೀಕರು ನೀಡಿರುವುದಿಲ್ಲ. ಅಲ್ಲದೇ ಈ ವಾಹನದಲ್ಲಿ ಅರಣ್ಯ ಉತ್ಪನ್ನಗಳು ಅಕ್ರಮ ಸಾಗಾಣಿಕೆಗೆ ಬಳಕೆಯಾಗದಂತೆ ವಾಹನದ ಮಾಲೀಕರು ಅಥವಾ ಅದರ ಪ್ರತಿನಿಧಿಗಳು ಯಾವುದೇ ಮುನ್ನೆಚ್ಚರಿಕೆ ವಹಿಸಿದ ಬಗ್ಗೆ ಸಮರ್ಪಕವಾದ ಸಾಕ್ಷ್ಯಧಾರ ನೀಡಿರುವುದಿಲ್ಲ. ವಾಹನದಲ್ಲಿ ನನ್ನ ಗಮನಕ್ಕೆ ಬಾರದಂತೆ ಈ ಕೃತ್ಯ ನಡೆದಿದೆ ಎಂಬುದಕ್ಕೆ ಕರ್ನಾಟಕ ಅರಣ್ಯ ಕಾಯಿದೆ ಕಲಂ 71(ಬಿ) (2) ರೀತ್ಯಾ ಸಾಬೀತು ಪಡಿಸುವ ಜವಾಬ್ದಾರಿ ವಾಹನದ ಮಾಲೀಕರಿಗೆ ಸೇರಿದ್ದಾಗಿರುತ್ತದೆ. ಅಲ್ಲದೇ ವಾಹನದ ಮಾಲೀಕರ ಎಜೆಂಟರಾಗಲೀ, ಚಾಲಕರಾಗಲೀ ಅಥವಾ ಇತರೆ ನಂಬಿಕೆ ಪ್ರತಿನಿಧಿಗಳು ವಾಹನದಲ್ಲಿ ಅಕ್ರಮ ಸಾಗಾಣಿಕೆಯಾಗದಂತೆ ಮುನ್ನೆಚ್ಚರಿಕೆ ವಹಿಸುವುದು ಸಹ ಅವರುಗಳ ಜವಬ್ದಾರಿಯಾಗಿರುತ್ತದೆ.

"Without prejudice to the provisions of sub-section (1), no order confiscating any tool,rope, chain, boat, vehicle or cattle shall be made under section 71A if the owner of the tool,rope,chain,boat,vehicle or cattle proves to the satisfaction of the authorised officer that it was used in carrying the timber, sandalwood, charcoal, firewood or ivory without the knowledge or connivance of the owner himself, his agent, if any, and the person in charge of the tool,rope,chain,boat,vehicle or cattle and that each of them had taken all reasonable and necessary precautions against such use."

ಹಾಲಿ ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ವಾಹನದ ಮಾಲೀಕರು ಈ ನ್ಯಾಯಾಲಕ್ಕೆ ಸಲ್ಲಿಸಿದ ಅರ್ಜಿಯನ್ನು ಗಮನಿಸಿದಾಗ ವಾಹನವನ್ನು ಬಿಡಿಸಿಕೊಳ್ಳಲು ಸೃಷ್ಟಿಸಿದ ಒಂದು ಕಟ್ಟುಕತೆ ಎಂದು ಹಾಗೂ ವಾಹನದಲ್ಲಿ ಅರಣ್ಯ ಉತ್ಪನ್ನಗಳ ಅಕ್ರಮ ಸಾಗಾಣಿಕೆಯು ವಾಹನದ ಮಾಲೀಕರಿಗೆ ಗೊತ್ತಿದ್ದೇ ಈ ಕೃತ್ಯ ನಡೆದಿದೆಯೆಂದು ಅಭಿಪ್ರಾಯ ಪಡುತ್ತೇನೆ.

ಈ ಮೇಲಿನ ಎಲ್ಲಾ ಕಾರಣಗಳಿಂದ 3ನೇ ಅಂಶದ ಪ್ರಶ್ನೆಗೆ ಮೊದಲನೇ ಭಾಗದ ಪ್ರಶ್ನೆಗೆ ನನ್ನ ಉತ್ತರ ಹೌದು ಎಂದು ಎರಡನೇ ಹಾಗೂ 3ನೇ ಭಾಗದ ಪ್ರಶ್ನೆಗೆ ನನ್ನ ಉತ್ತರ ಇಲ್ಲವೆಂದು ಅಭಿಪ್ರಾಯ ಪಡುತ್ತೇನೆ.

ಈ ಮೇಲಿನ ಎಲ್ಲಾ ಅಂಶಗಳನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ವಾಹನದ ಮಾಲೀಕರು ಅರಣ್ಯ ಉತ್ಪನ್ನಗಳ ಸಾಗಾಣಿಕೆಯಲ್ಲಿ ಭಾಗವಹಿಸಲು ವಾಹನವನ್ನು ಉಪಯೋಗಿಸಿರುವುದು ಸ್ಪಷ್ಟವಾಗಿ ಕಂಡುಬಂದಿರುತ್ತದೆ. ಅಲ್ಲದೇ ಪ್ರಾಧೀಕಾರಕ್ಕೆ ಹಾಜರುಪಡಿಸಿದ ಪ್ರಕರಣದ ಮಹಜರ್ ನಿಶಾನೆ ಪಿ1ರ ಪ್ರಕಾರ ಹಾಗೂ ಪ್ರಾಸಿಕ್ಯೂಷನ್ ಸಾಕ್ಷಿಗಳಾದ ಪಿಡಬ್ಲ್ಯೂ1 ರವರು ಈ ಪ್ರಾಧಿಕಾರದಲ್ಲಿ ಸಾಕ್ಷಿ ನುಡಿದಂತೆ ಸಾಗುವಾನಿ ಸೈಜು 1=0.108 ಎಂ3 ನ್ನು ಸಾಗಿಸಲು ವಾಹನ ಬಳಸಿರುವುದು ಸ್ಪಷ್ಟವಾಗಿ ಕಂಡು ಬಂದಿರುತ್ತದೆ. ಅಲ್ಲದೇ ನನ್ನ ಮುಂದೆ ಹಾಜರುಪಡಿಸಿದ ದಾಖಲಾತಿಗಳು ಸಾಕ್ಷ್ಯಧಾರಗಳು ಮತ್ತು ವಾದ ವಿವಾದಗಳಿಂದ ವಾಹನ ಮಾಲೀಕರಾಗಲೀ ಇಲ್ಲವೇ ವಾಹನದ ಉಸ್ತುವಾರಿದಾರರಾಗಲೀ ವಾಹನವು ಅಕ್ರಮ ಅರಣ್ಯ ಉತ್ಪನ್ನ ಸಾಗಾಣಿಕೆಯಲ್ಲಿ ಭಾಗಿ ಆಗದಂತೆ ಮುಂಜಾಗ್ರತೆ ಕ್ರಮ ತೆಗೆದುಕೊಳ್ಳದೇ ಬದಲಾಗಿ ತಮಗೆ ಗೊತ್ತಿದ್ದೆ ಈ ಎಲ್ಲಾ ವ್ಯಕ್ತಿಗಳು ಈ ವಾಹನದಲ್ಲಿ ಅಕ್ರಮವಾಗಿ ಸಾಗುವಾನಿ ತುಂಡುಗಳು ಅರಣ್ಯ ಕಾಯ್ದೆ 1963 ಕಲಂ 50,62,80, 71(ಎ) ಹಾಗೂ ಅರಣ್ಯ ಕಾನೂನು 1969 ನಿಯಮ 144, 165 ರ ವಿರುದ್ಧವಾಗಿ ಸಾಗಿಸಲು ಉಪಯೋಗಿಸಿದ್ದಾರೆಂದು ತೀರ್ಮಾನಿಸಿ ಈ ಕೆಳಕಂಡಂತೆ ಆದೇಶ ನೀಡ ಬಯಸುತ್ತೇನೆ.

ಆದೇಶ

ಈ ಮೇಲ್ಕಾಣಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಲ್ಲಾ ಅಗತ್ಯ ದಾಖಲಾತಿಗಳನ್ನು ಹಾಗೂ ಸಾಕ್ಷ್ಯಧಾರಗಳನ್ನು ಮತ್ತು ಎಲ್ಲಾ ಅಂಶಗಳನ್ನು ಗಣನೆಗೆ ತೆಗೆದುಕೊಂಡು ಟಿ. ಬಾಲಚಂದ್ರ, ಭಾ.ಅ.ಸೇ., ಅಧಿಕಾರಿಯುತ ಅಧಿಕಾರಿ ಹಾಗೂ ಉಪ ಅರಣ್ಯ ಸಂರಕ್ಷಣಾಧಿಕಾರಿ, ಭದ್ರಾವತಿ ವಿಭಾಗ, ಭದ್ರಾವತಿ ಆದ ನಾನು ಕರ್ನಾಟಕ ಅರಣ್ಯ ಕಾಯ್ದೆ 1963ರ ಸೆಕ್ಷನ್ 71(ಎ) (2ನೇ ತಿದ್ದುಪಡಿ) ಪ್ರಕಾರ ಒಂದು ಟಿವಿಎಸ್ ವಿಕ್ಟರ್ ಜಿ.ಎಕ್ಸ್ ದ್ವಿ ಚಕ್ರ ವಾಹನಸಂಖ್ಯೆ: ಕೆಎ-18- ಎಲ್-1693 ಹಾಗೂ ಸಾಗುವಾನಿ ಸೈಜು 1=0.108 ಎಂ3 ನ್ನು ಸರ್ಕಾರಕ್ಕೆ ಮುಟ್ಟುಗೋಲು ಮಾಡಿ ಆದೇಶ ಹೊರಡಿಸಿರುತ್ತೇನೆ.

ಈ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸುವುದಾದಲ್ಲಿ ಈ ಆದೇಶ ಹೊರಡಿಸಿದ 30 ದಿವಸದೊಳಗೆ ಸಲ್ಲಿಸಬಹುದಾಗಿದೆ. ತಪ್ಪಿದಲ್ಲಿ ಇದೇ ಅಂತಿಮ ಆದೇಶವಾಗಿ ಊರ್ಜಿತಗೊಳ್ಳುತ್ತದೆ. ಅಲ್ಲದೇ ಮೇಲ್ಮನವಿ ಅವಧಿ ಮೀರಿದ ಬಳಿಕ ವಾಹನ ಹಾಗೂ ಅರಣ್ಯ ಉತ್ಪನ್ನವನ್ನು ಕಾನೂನು ರೀತ್ಯಾ ವಿಲೇವಾರಿ ಮಾಡಲು ಕೂಡ ಆದೇಶಿಸಿದೆ.

ಈ ಆದೇಶವನ್ನು ದಿನಾಂಕ:14-12-2017 ರಂದು ನ್ಯಾಯಾಲಯದ ಮೊಹರು ಹಾಗೂ ನನ್ನ ಸಹಿಯೊಂದಿಗೆ ಹೊರಡಿಸಿರುತ್ತೇನೆ.

ಟಿ. ಬಾಲಚಂದ್ರ, ಭಾಅಸೇ.,

ಅಧಿಕಾರಿಯುತ ಅಧಿಕಾರಿ ಹಾಗೂ

ಉಪ ಅರಣ್ಯ ಸಂರಕ್ಷಣಾಧಿಕಾರಿ,

ಭದ್ರಾವತಿ ವಿಭಾಗ, ಭದ್ರಾವತಿ.

ಅನುಬಂಧ:

1. ಫಿರ್ಯಾಧಿದಾರರ ಪರ ಸಾಕ್ಷಿಗಳ ವಿಚಾರಣೆ

ಅ) ಪಿಡಬ್ಲ್ಯೂ 1 ಶ್ರೀ ಆರ್. ಸಂಗ್ಯಾನಾಯ್ಕ, ಉಪ ವಲಯ ಅರಣ್ಯಾಧಿಕಾರಿ.

2. ಫಿರ್ಯಾಧಿದಾರರ ಪರ ದಾಖಲಾತಿಗಳ ಪರಿಶೀಲನೆ

ನಿಶಾನೆ ಪಿ1 ಸ್ಥಳ ಮಹಜರ್

ನಿಶಾನೆ ಪಿ1ಎ ಪಿಡಬ್ಲ್ಯೂ 1 ಸಾಕ್ಷಿದಾರರ ಸಹಿ

ನಿಶಾನೆ ಪಿ2 ಪ್ರಥಮ ಮಾಹಿತಿ ವರದಿ

ನಿಶಾನೆ ಪಿ2ಎ ಪಿಡಬ್ಲ್ಯೂ 1 ಸಾಕ್ಷಿದಾರರ ಸಹಿ

ನಿಶಾನೆ ಪಿ3 ಸೀಜರ್ ರಿಪೋರ್ಟ್

ನಿಶಾನೆ ಪಿ3ಎ ಪಿಡಬ್ಲ್ಯೂ 1 ಸಾಕ್ಷಿದಾರರ ಸಹಿ

3. ಅರ್ಜಿದಾರರ ಪರ ಸಾಕ್ಷಿಗಳ ವಿಚಾರಣೆ

ಇರುವುದಿಲ್ಲ.

ಅಧಿಕಾರಿಯುತ ಅಧಿಕಾರಿ ಹಾಗೂ

PR. 18

ಉಪ ಅರಣ್ಯ ಸಂರಕ್ಷಣಾಧಿಕಾರಿ,

SC. ¹⁰

ಭದ್ರಾವತಿ ವಿಭಾಗ, ಭದ್ರಾವತಿ.

KARNATAKA STATE BAR COUNCIL, OLD K.G.I.D. BUILDING, BENGALURU

NOTIFICATION

NO. 1/2018, DATED: 23RD JANUARY, 2018

NOTICE OF ELECTION UNDER RULE 6 OF THE KARNATAKA STATE BAR COUNCIL ELECTION RULES, 1971

An ELECTION will be held on TUESDAY, 27TH MARCH, 2018 of 25 MEMBERS to the Karnataka State Bar Council, between 10.00 a.m. and 5.00 p.m. at the Polling Office situated in the premises of City Civil Court Complex, Bengaluru and also in the booths situated in the premises of the respective Bar Association in the State, as listed below. Where Polling Booths are not provided, the voters of such places will be permitted to vote at a booth, nearer to their place of practice.

The MINIMUM NUMBER of seats that should be filled from amongst advocates, who on the relevant date will have been on the State Roll for atleast TEN years, is THIRTEEN.

The forms of nomination papers may be obtained from the office of the Karnataka State Bar Council, Old K.G.I.D. Building, Bengaluru-560001, during office hours in all working days.

Nomination in the prescribed form (FORM-A) should be delivered to the Secretary or Sent by Registered Post, so as to reach the Secretary on or before 15th February, 2018 upto 5-00 P.M. Every nomination should be accompanied by CASH RECEIPT/DEMAND DRAFT, drawn in favour of SECRETARY, KARNATAKA STATE BAR COUNCIL, payable at Bengaluru, for having paid a fee of Rs. 50,000/- (Fifty thousand) only and in case of candidates belonging to scheduled Caste/Scheduled Tribe Rs. 40,000/- (Forty thousand) only, which will be refunded, if the candidate withdraws his/her candidature before the due date.

Filing of Nominations : 1st February, 2018

Last date of filing of Nominations : 15th February, 2018 before 5.00 P.M.

Date for scrutiny of Nominations : 17th & 18th February, 2018

Date of publication of Valid Nominations : 20th February, 2018

Last date for withdrawal of Nominations : 22nd February,2018 upto 5-00 P.M

Date of publication of Final List of

Candidates : 1st March, 2018 at 11-00 A.M.

Date of Election : 27th March, 2018

Between 10-00 A.M. to 5-00 P.M.

The Counting of Votes will commence from 31st March, 2018 and onwards at N.G.O's Hall, Cubbon Park, Opp: M.S. Building, Bengaluru-560001 OR nearest place subject to receipt of the Ballot Boxes from all the Booths in the State.

Counting of Votes will be from 10-00 A.M. to 1-30 P.M. and from 2-30 P.M. to 6-00 P.M.

BASAVARAJ HUDEDAGADDI

PD - 10

SC - 05

SECRETARY & RETURNING OFFICER,

ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ

ಕಾರ್ಯನಿರ್ವಾಹಕ ಅಭಿಯಂತರರು (ವಿ), ಬೃಹತ್ ಕಾಮಗಾರಿ ವಿಭಾಗ, ಕ.ವಿ.ಪ್ರ.ನಿ.ನಿ ರಾಯಚೂರು-584101

ಪ್ರಕಟಣೆ

ಸಂಖ್ಯೆ : ಕಾನಿಅ(ವಿ)/ಬೃಕಾವಿ/ರಾ/2017-18/1505, ದಿನಾಂಕ: 20.12.2017

ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತವು ವಿದ್ಯುತ್ ಸರಬರಾಜು ಕಾಯ್ದೆ 2003ರ ಸಕ್ಷೆನ್ 67ರ ಅಡಿಯಲ್ಲಿ ಯೋಜನೆಗಳನ್ನು ರೂಪಿಸಿದೆ ಮತ್ತು ಇದೇ ಕಾಯ್ದೆ ಸೆಕ್ಷೆನ್ 67(2) ರನ್ವಯ ಸಾರ್ವಜನಿಕರಿಗೆ ಯೋಜನೆಗಳ ಮಾಹಿತಿ ನೀಡುವ ದೃಷ್ಟಿಯಿಂದ ಈ ಪ್ರಕಟಣೆಯನ್ನು ಇಲ್ಲಿ

ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತವು ಮೇಲೆ ತಿಳಿಸಿದ ಯೋಜನೆಗಳನ್ನು ಕಾರ್ಯಗತಗೊಳಿಸಲು 1885ರ ಭಾರತೀಯ ಟೆಲಿಗ್ರಾಫ್ ಭಾಗ-111 (ಕೇಂದ್ರಿಯ ಕಾಯ್ದೆ 1885ರ 13 ಅನ್ವಯ) ಅಧಿನಿಯಮ ಟೆಲಿಗ್ರಾಫ್ ಹೊಂದಿರುವ ಎಲ್ಲಾ ಅಧಿಕಾರಗಳನ್ನು ಹೊಂದಿರುತ್ತದೆ ಹಾಗೂ ಚಲಾಯಿಸುತ್ತದೆ ಸದರಿ ಯೋಜನೆಗಳಿಗೆ ಆಕ್ಷೇಪಣೇಗಳೇನಾದರು ಇದ್ದಲ್ಲಿ ನಿಗಮದ ಪರಿಗಣಿಗಾಗಿ ಆಕ್ಷೇಪಣೆಗಳನ್ನು ಈ ಪ್ರಕಟಣೆ ಪ್ರಕಟವಾದ 2 ತಿಂಗಳೊಳಗಾಗಿ ಕಾರ್ಯನಿರ್ವಾಹಕ ಅಭಿಯಂತರರು, ಬೃಹತ್ ಕಾಮಗಾರಿ ವಿಭಾಗ, ಕ.ವಿ.ಪ್ರ.ನಿ.ನಿ, ರಾಯಚೂರು ಇವರಿಗೆ ಲಿಖಿತ ರೂಪದಲ್ಲಿ ಸಲ್ಲಸಬೇಕಾಗಿ ವಿನಂತಿ ಹಾಗೂ ತದನಂತರ ಬರುವ ಆಕ್ಷೇಪಣೆಗಳನ್ನು ಪರಿಗಣಿಸಲಾಗುವುದಿಲ್ಲವೆಂದು ಈ ಮೂಲಕ ತಿಳಿಯಪಡಿಸುತ್ತಿದ್ದೇವೆ.

ಕಾರ್ಯನಿರ್ವಾಹಕ ಅಭಿಯಂತರರು (ವಿ.), ಬೃಹತ್ ಕಾಮಗಾರಿ ವಿಭಾಗ,

ಕ.ವಿ.ಪ್ರ.ನಿ.ನಿ, ರಾಯಚೂರು೨೭೬ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ಭಾಗ ೩

ಕರ್ನಾಟಕ ರಾಜ್ಯ ಚುನಾವಣಾ ಆಯೋಗದ ನಡವಳಿಗಳು

ವಿಷಯ :- ದಿನಾಂಕ.12-02-2017 ರಂದು ನಡೆದ ನಗರ ಸ್ಥಳೀಯ ಸಂಸ್ಥೆಗಳ ತೆರವಾದ ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಪುತ್ತೂರು ನಗರಸಭೆ ಸದಸ್ಯ ಸ್ಥಾನಗಳ ಉಪ ಚುನಾವಣೆಯಲ್ಲಿ ಸ್ಪರ್ಧಿಸಿದ 3 ಅಭ್ಯರ್ಥಿಗಳು ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸದಿರುವುದರಿಂದ ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ 1964 ರ ಪ್ರಕರಣ 16ಸಿ ಪ್ರಕಾರ ಅನರ್ಹಗೊಳಿಸುವ ಬಗ್ಗೆ.

ಉಲ್ಲೇಖ:- 1) ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ, 1964 ರ ಕಲಂ 16ಬಿ ಮತ್ತು 16ಸಿ ಹಾಗೂ ಕರ್ನಾಟಕ ಮುನಿಸಿಪಾಲಿಟೀಸ್ (ಕೌನ್ಸಿಲರುಗಳ ಚುನಾವಣೆ) ಸೇರ್ಪಡೆ ನಿಯಮಗಳು 2010 ರ ನಿಯಮ, 22 ಸಿ 2) ಜಿಲ್ಲಾಧಿಕಾರಿಗಳು ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಇವರ ವರದಿ ಸಂಖ್ಯೆ: ಇಎಲ್ಎನ್ (2) ಸಿಆರ್.28/ 2016-17/ಇ.ನಂ:3277/ಜಿ2 ದಿನಾಂಕ 03-04-2017

3) ಆಯೋಗದ ನೋಟಿಸು ಸಂಖ್ಯೆ ರಾಚುಆ :143 (1) ಇಯುಬಿ;2016. ದಿನಾಂಕ: 13-06-2017

4) ಜಿಲ್ಲಾಧಿಕಾರಿಗಳು ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಇವರ ವರದಿ ಸಂಖ್ಯೆ: ಇಎಲ್ಎನ್ (2) 49/2017/ ಇ.ನಂ:16410/ಜಿ2 ದಿನಾಂಕ 24-07-2017.

5) ಜಿಲ್ಲಾಧಿಕಾರಿಗಳು ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಇವರ ವರದಿ ಸಂಖ್ಯೆ: ಇಎಲ್ಎನ್ (2) ಸಿಆರ್.59/ 2017/ಇ.ನಂ:22145/ಜಿ2 ದಿನಾಂಕ.08-08-2017.

ಪ್ರಸ್ತಾವನೆ:

ದಿನಾಂಕ.12-02-2017 ರಂದು ನಡೆದ ನಗರ ಸ್ಥಳೀಯ ಸಂಸ್ಥೆಗಳ ತೆರವಾದ ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಪುತ್ತೂರು ನಗರಸಭೆ ಸದಸ್ಯ ಸ್ಥಾನಗಳ ಉಪ ಚುನಾವಣೆಯಲ್ಲಿ ಸ್ಪರ್ಧಿಸಿದ 3 ಅಭ್ಯರ್ಥಿಗಳು ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸದಿರುವುದರಿಂದ ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ 1964 ರ ಪ್ರಕರಣ 16ಬಿ ಮತ್ತು 16ಸಿಯಲ್ಲಿ ಉಪಬಂಧಿಸಿರುವಂತೆ ಹಾಗೂ ಕರ್ನಾಟಕ ಮುನಿಸಿಪಾಲಿಟೀಸ್ (ಕೌನ್ಸಿಲರ್‌ಗಳ ಚುನಾವಣೆ) ಸೇರ್ಪಡೆ ನಿಯಮಗಳು 2010 ರ ನಿಯಮ 22ಸಿ ರನ್ವಯ ಮತಗಳ ಎಣಿಕೆ ನಡೆದು ಫಲಿತಾಂಶ ಘೋಷಣೆಯಾದ 30 ದಿನಗಳ ಒಳಗೆ ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸಿರುವುದಿಲ್ಲವೆಂದು ಉಲ್ಲೇಖ(2)ರಂತೆ ಜಿಲ್ಲಾಧಿಕಾರಿಗಳು ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು ರವರು ವರದಿ ಸಲ್ಲಿಸಿರುತ್ತಾರೆ.

ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ 1964 ರ ಪ್ರಕರಣ 16ಸಿ ಹಾಗೂ ಕರ್ನಾಟಕ ಮುನಿಸಿಪಾಲಿಟೀಸ್ (ಕೌನ್ಸಿಲರ್‌ಗಳ ಚುನಾವಣೆ) ಸೇರ್ಪಡೆ ನಿಯಮಗಳು 2010 ರ ನಿಯಮ 22ಸಿ(5) ರನ್ವಯ ಸದರೀ ಅಭ್ಯರ್ಥಿಗಳಿಗೆ ಆಯೋಗದಿಂದ ಉಲ್ಲೇಖ(3) ರ ದಿನಾಂಕ: 13-06-2017 ರಂತೆ ನೋಟೀಸನ್ನು ನೀಡಿ ಏಕೆ ಅನರ್ಹಗೊಳಿಸಬಾರದು ಎಂಬ ಬಗ್ಗೆ ಸಮಜಾಯಿಷಿ ನೀಡಲು ತಿಳಿಯಪಡಿಸಲಾಗಿತ್ತು. ಆದಾಗ್ಯೂ ಸಮಜಾಯಿಷಿಯನ್ನು ಹಾಗೂ ಚುನಾವಣಾ ವೆಚ್ಚದ ವಿವರಗಳನ್ನು ಸಲ್ಲಿಸಿರುವುದಿಲ್ಲ. ಆಯೋಗದ ನೋಟಿಸನ್ನು ಅಭ್ಯರ್ಥಿಗಳಿಗೆ ಜಾರಿಮಾಡಿರುವ ಬಗ್ಗೆ ಜಾರಿ ಮಾಡಿರುವ ಪ್ರತಿಯೊಂದಿಗೆ ಉಲ್ಲೇಖ (4)ರನ್ವಯ ಜಿಲ್ಲಾಧಿಕಾರಿಗಳು, ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು ರವರು ದಿನಾಂಕ.24-07-2017 ರಂದು ವರದಿ ಮಾಡಿರುತ್ತಾರೆ.

ಅನುಬಂಧ-ಅ ರಲ್ಲಿ ನಮೂದಾಗಿರುವ ಎರಡು ಅಭ್ಯರ್ಥಿಗಳು ಆಯೋಗದ ನೋಟಿಸು ಜಾರಿ ಯಾಗಿದ್ದರೂ ನಿಗದಿತ ಅವಧಿಯಲ್ಲಿ ವೆಚ್ಚವನ್ನು ಸಲ್ಲಿಸಲು ವಿಫಲರಾದ ಬಗ್ಗೆ ಯಾವುದೇ ಸಮಜಾಯಿಷಿಯನ್ನು ಸಲ್ಲಿಸಿರುವುದಿಲ್ಲ. ಹಾಗೂ ಒಂದು ಅಭ್ಯರ್ಥಿಯು ವಿಳಂಬವಾಗಿ ಸಲ್ಲಿಸಿದ್ದು, ಸಮಜಾಯಿಷಿಯನ್ನು ನೀಡಿರುವುದಿಲ್ಲ

ಈ ಹಿನ್ನಲೆಯಲ್ಲಿ ಲಗತ್ತಿಸಿರುವ ಅನುಬಂಧ - ಅ ರಲ್ಲಿ ನಮೂದಿಸಿರುವ ಎರಡು ಅಭ್ಯರ್ಥಿಗಳು ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸಲು ವಿಫಲರಾಗಿರುವುದರಿಂದ ಹಾಗೂ ಯಾವುದೇ ಸಮಜಾಯಿಷಿಯನ್ನು ನೀಡದಿರುವುದರಿಂದ ಹಾಗೂ ಒಂದು ಅಭ್ಯರ್ಥಿಯು ವಿಳಂಬವಾಗಿ ಸಲ್ಲಿಸಿದ್ದು.

ಸಮಜಾಯಿಷಿಯನ್ನು ನೀಡದಿರುವುದರಿಂದ ಈ ಕೆಳಕಂಡಂತೆ ಆದೇಶಿಸಿದೆ.

ಆದೇಶ

ಆದೇಶ ಸಂಖ್ಯೆ: ರಾಚುಆ 143(1)ಇಯುಬಿ 2016, ಬೆಂಗಳೂರು, ದಿನಾಂಕ: 23-11-2017

ಮೇಲೆ ವಿವರಿಸಿರುವಂತೆ ದಿನಾಂಕ.12-02-2017 ರಂದು ನಡೆದ ನಗರ ಸ್ಥಳೀಯ ಸಂಸ್ಥೆಗಳ ತೆರವಾದ ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು, ಪುತ್ತೂರು ನಗರಸಭೆ ಸದಸ್ಯ ಸ್ಥಾನಗಳ ಉಪ ಚುನಾವಣೆಯಲ್ಲಿ ಸ್ಪರ್ಧಿಸಿದ 3 ಅಭ್ಯರ್ಥಿಗಳು ಆಯೋಗದಿಂದ ನೀಡಿದ ನೋಟಿಸಿಗೆ ಸಮಜಾಯಿಷಿ ಹಾಗೂ ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸಿಲ್ಲವೆಂದು ದೃಡಪಟ್ಟಿರುವುದರಿಂದ, ಅನುಬಂಧ-ಅ ರಲ್ಲಿ ನಮೂದಿಸಿರುವ 3 ಅಭ್ಯರ್ಥಿಗಳನ್ನು ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ, 1964ರ ಪ್ರಕರಣ 16ಸಿ ಅನುಸಾರ ಈ ಆದೇಶದ ದಿನಾಂಕದಿಂದ ಮೂರು ವರ್ಷಗಳ ಅವಧಿಗೆ ಅನರ್ಹರೆಂದು ರಾಜ್ಯ ಚುನಾವಣಾ ಆಯೋಗವು ಘೋಷಿಸಿರುತ್ತದೆ.

ಪಿ.ಎನ್. ಶ್ರೀನಿವಾಸಾಚಾರಿ

ಆಯುಕ್ತರು

ರಾಜ್ಯ ಚುನಾವಣಾ ಆಯೋಗ ಕರ್ನಾಟಕಭಾಗ ೩ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ೨೭೭

ಅನುಬಂಧ – ಅ

ದಿನಾಂಕ.12-02-2017 ರಂದು ನಡೆದ ನಗರ ಸ್ಥಳೀಯ ಸಂಸ್ಥೆಗಳ ಉಪ ಚುನಾವಣೆಯಲ್ಲಿ ಸ್ಪರ್ಧಿಸಿ, ಚುನಾವಣಾ ವೆಚ್ಚ ವಿವರಗಳನ್ನು ಸಲ್ಲಿಸದೇ

ಇರುವುದರಿಂದ, ಕರ್ನಾಟಕ ಮುನಿಸಿಪಾಲಿಟೀಸ್ ಅಧಿನಿಯಮ 1964ರ ಪ್ರಕರಣ 16ಸಿ ರಡಿ ಅನರ್ಹಗೊಳಿಸಿರುವ ಅಭ್ಯರ್ಥಿಗಳ ವಿವರ

PR-30

SC-10

ಪಿ.ಎನ್. ಶ್ರೀನಿವಾಸಾಚಾರಿ ಆಯುಕ್ತರು ರಾಜ್ಯ ಚುನಾವಣಾ ಆಯೋಗ ಕರ್ನಾಟಕ

ಕಂದಾಯ ಸಚಿವಾಲಯ

ಸೇರ್ಪಡೆ ಅಧಿಸೂಚನೆ

ಸಂಖ್ಯೆ: ಕಂಇ 88 ಮುನೋಮು 2017 ಬೆಂಗಳೂರು, ದಿನಾಂಕ: 03-01-2018

ಸರ್ಕಾರದ ಅಧಿಸೂಚನೆ ಸಂಖ್ಯೆ:ಕಂಇ 111 ಮುನೋಮು 2016 ದಿನಾಂಕ:06-03-2017ರ ಅಧಿಸೂಚನೆಯಲ್ಲಿ ಲಗತ್ತಿಸಲಾದ ಅನುಬಂಧ-4ರಲ್ಲಿನ ಕಂಡಿಕೆ 5ರ ನಂತರ ಈ ಕೆಳಗಿನಂತೆ ಸೇರ್ಪಡೆ ಮಾಡಿಕೊಂಡು ಓದಿಕೊಳ್ಳತಕ್ಕದ್ದು.

"ಸದರಿ ಕಂಪನಿಯು ಕರ್ನಾಟಕ ಭೂ ಕಂದಾಯ ಕಾಯ್ದೆ, 1964ರ ನಿಯಮ 95 ರಡಿಯಲ್ಲಿ ಜಿಲ್ಲಾಧಿಕಾರಿಗಳು ______ ಜಿಲ್ಲೆ ರವರಿಂದ ಭೂ ಪರಿವರ್ತನೆ ಆದೇಶವನ್ನು ____ ಎಕರೆ ____ ಗುಂಟೆಗಳಿಗೆ ಇಂಧನ ಇಲಾಖೆಯ ಸರ್ಕಾರಿ ಆದೇಶದಂತೆ ಪಡೆದಿರುತ್ತಾರೆ. ಸರ್ಕಾರದ ಪತ್ರ ಸಂಖ್ಯೆ: ಸಿಐ 224 ಎಸ್‌ಪಿಐ 2015 ದಿನಾಂಕ: 09-10-2017 ರನ್ವಯ ರಿನೆವೇಬಲ್ ಎನರ್ಜಿ ಪ್ರಾಜೆಕ್ಟ್‌ಗಳು ವಿಶ್ವ ಬಂಡವಾಳ ಹೂಡಿಕೆ ಸಮಾವೇಶ-2012 ಹಾಗೂ ಇನ್ವೆಸ್ಟ್ ಕರ್ನಾಟಕ–2016ರಲ್ಲಿ ರಾಜ್ಯ ಸರ್ಕಾರದೊಂದಿಗೆ ಎಂ.ಓ.ಯು ಸಹಿ ಮಾಡಿರುತ್ತಾರೆ ಹಾಗೂ ಇಂಧನ ಇಲಾಖೆಯಿಂದ ಅನುಮೋದನೆ ಪಡೆದು ಸದರಿ ಭೂ ಪರಿವರ್ತಿತ ಜಮೀನನ್ನು ಪ್ರಸ್ತಾಪಿತ ಕಂಪನಿಯು ಖರೀದಿಸಿರುತ್ತದೆ".

ಕರ್ನಾಟಕ ರಾಜ್ಯಪಾಲರ ಆದೇಶಾನುಸಾರ ಮತ್ತು ಅವರ ಹೆಸರಿನಲ್ಲಿ,

ಟಿ. ನಾರಾಯಣಪ್ಪ

ಸರ್ಕಾರದ ಅಧೀನ ಕಾರ್ಯದರ್ಶಿ,

PR-³¹ SC-⁵⁰⁰

ಕಂದಾಯ ಇಲಾಖೆ (ನೋ & ಮು).

COMMERCE AND INDUSTRIES SECRETARIAT

NOTIFICATION

No: CI 279 SPI 2016, Bengaluru Date: 07.11.2016

Government of Karnataka in association with Department of Industrial Policy & Promotion (DIPP), Ministry of Commerce & Industry, Government of India & Confederation of Indian Industries (CII) has proposed to organize Make in India Conference in Bengaluru. This conference is part of the "Make in India" programme of Government of India. The Make in India Conference is planned as a premier investment promotion event aimed at fostering business partnerships. The conference includes sector specific sessions, multi sector exhibitions, G2B, G2G and B2B business meetings.

a) Assist in identification of existing and prospective investor companies in the sectors identified for the event, in particular, "Hidden Champions" namely the small and medium enterprises.

b) Assist in planning and co-ordination activities for the event with the concerned Indian Industry Association to ensure that there is no duplication of activities during the event.

c) Assist in identification of speakers for the proposed investment Roundtables/Seminars and other B to B/G to B meetings;

The role of DIPP, Government of India in the event would include the following.

a) Execution of all aspects related to the event.

b) Identification of existing and prospective investor companies in the sectors identified for the events, in particular the hidden champions mainly the small and medium enterprises.

c) Planning and co-ordination activities for the event.

d) Organizing investment roundtables/seminars if any.

e) Organizing B to B/G to B/G to G meetings.

f) Carry out promotional activities, selection of sites for outdoor branding and other media.

In the meeting held on 22.07.2016 under the Chairmanship of Hon'ble Minister for Large & Medium scale Industries & Infrastructure Development, it was decided to hold the Make in India conference on 13th & 14th February, 2017 in Bengaluru. The focus sectors identified are Aerospace & Defence, Automobile & Auto components, Prescision Tool & Heavy Engineering, Leather & apparel, electronic Hardware & Electricals, agri & Food Processing, Bio & Pharmaceuticals, Plastics & Chemicals, Manufacturing Startups.

In order to co-ordinate for organizing various activities as envisaged above, it is felt necessary to have the Co-ordination Committee & Working Committee for preparation of plan of action, monitoring and review of activities that are being implemented for smooth conduct of the event.

Hence the following committees are constituted with immediate effect and until further orders. The respective committees may co-opt any other members as find when required and found necessary.

A. Co-ordination Committee under the Chairmanship of Hon'ble Minister for Large & Medium Scale Industries &

The Co-ordination Committee shall provide necessary guidance, approvals, inter-department co-ordination and review of the preparation for the event.

Roles and Responsibilities of the working Committee.

• Strategize mobilization of Private/Public invest in the Sector.

• Mobilize participation of potential investors of the sector in the event.

• Plan and conduct sectoral sessions during the event.

• Identify the session theme, topics for discussion, speakers for the sessions, etc.

• Prepare and finalize comprehensive media plan for the event.

• Preparation of media content and to oversee advertisements and media.

• Preparation of invitations for both inauguration and valedictory of the event.

• Preparation of guest list for inauguration and valedictory of the event.

• Preparation of list of participants.

• Organize and conducting of sessions.

• Registration of participants.

• Infrastructure for the event and exhibition.

• Finalization of exhibitors.

• To oversee preparation and organizing of Road shows, B2G, B2B meetings, etc.

• Organize accommodation and logistics of VVIPs, Guests, Speakers and Invitees of the event.

• Providing help desk at Airport, Railway station and other important places.

• Protocol/liaison arrangements for all VVIPs, Guests, Speakers and Invitees.

• To co-ordinate with the other sectoral committees.

• Any other activity which is essential for organizing the event.

By Order and in the name of the Governor of Karnataka, PR-32

Nagarathnamma.G

SC-10

Desk Officer (Technical Cell) (I/c),

Commerce & Industries Department.

ಆರ್ಥಿಕ ಮತ್ತು ಸಾಂಖ್ಯಿಕ ನಿರ್ದೇಶನಾಲಯ

ಬಹುಮಹಡಿ ಕಟ್ಟಡ, ಬೆಂಗಳೂರು

ಸಂಖ್ಯೆ:ಆಸಾನಿ/64/ಆಡಳಿತ-4/2006-07/16672-80 ಬೆಂಗಳೂರು, ದಿನಾಂಕ: 20.09.2017.

ವಿಷಯ: ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಚೇರಿ, ಶಿವಮೊಗ್ಗ ಇವರು ಸದರಿ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಅವಧಿಯಲ್ಲಿ ಎಸಗಿದ ಕರ್ತವ್ಯಲೋಪ, ಕೆಲಸದಲ್ಲಿ ನಿರ್ಲಕ್ಷತೆ, ನಿಯಮಗಳ ಉಲ್ಲಂಘನೆ, ಬೇಜವಾಬ್ದಾರಿತನ, ಇತ್ಯಾದಿ ಆರೋಪಗಳ ಮೇಲೆ ಇವರ ವಿರುದ್ಧ "ಇಲಾಖಾ ವಿಚಾರಣೆಗೆ ಸಂಬಂಧಿಸಿದಂತೆ ಅಂತಿಮ ಆದೇಶ ಹೊರಡಿಸುವ ಕುರಿತು".

ಉಲ್ಲೇಖ: 1) ನಿರ್ದೇಶನಾಲಯದ ಆದೇಶ ಸಂಖ್ಯೆ: ಆಡಳಿತ/407/2000-2001, ದಿನಾಂಕ:31.03.2001.

2) ನಿರ್ದೇಶನಾಲಯದ ಆದೇಶ ಸಂಖ್ಯೆ: ಆಡಳಿತ/739/2006-07, ದಿನಾಂಕ:12.12.2006. 3) ನಿರ್ದೇಶನಾಲಯದ ಆದೇಶ ಸಂಖ್ಯೆ: ಆಡಳಿತ/664/2014-15, ದಿನಾಂಕ:20.12.2014. 4) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರ ಪತ್ರದ ಸಂಖ್ಯೆ: ಜಿಸಾಂಅ/ಶಿ/ಆಡಳಿತ/ ವಿವ/30/206/07/2015-16, ದಿನಾಂಕ: 24.03.2016, 20.04.2016.

5) ಈ ನಿರ್ದೇಶನಾಲಯದ ಇದೇ ಕ್ರಮಾಂಕದ ಸಮ ಸಂಖ್ಯೆ ಜ್ಞಾಪನ ದಿನಾಂಕ: 29.04.2016. 6) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರ ಪತ್ರದ ಸಂಖ್ಯೆ: ಜಿಸಾಂಅ/ಶಿ/ಆಡಳಿತ/ ವಿವ-30/338/2015-16, ದಿನಾಂಕ: 07.05.2016 ಮತ್ತು 07.06.2016.

7) ನೌಕರರು ದಿನಾಂಕವಿಲ್ಲದೆ ಸಲ್ಲಿಸಿರುವ ಸಮಜಾಯಿಷಿ (ನಿರ್ದೇಶನಾಲಯಕ್ಕೆ ಸ್ವೀಕೃತಿ ದಿನಾಂಕ:

08.06.2016).

8) ನಿರ್ದೇಶನಾಲಯದ ಇದೇ ಕ್ರಮಾಂಕದ ಸಮ ಸಂಖ್ಯೆ ಪತ್ರದ ದಿನಾಂಕ: 18.06.2016.

9) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರ ಪತ್ರದ ಸಂಖ್ಯೆ: ಜಿಸಾಂಅ/ಶಿ/ಪ್ರ.ದ.ಸ/36/ 947/2014-15, ದಿನಾಂಕ: 12.07.2016.

10) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರ ಪತ್ರದ ಸಂಖ್ಯೆ: ಜಿಸಾಂಅ/ಶಿ/ಪ್ರ.ದ.ಸ/ 36/1155/2014-15, ದಿನಾಂಕ: 04.08.2016 ಮತ್ತು 27.08.2016.

11) ಕರ್ನಾಟಕ ನಾಗರೀಕ ಸೇವಾ (ಸಿ.ಸಿ.ಎ) ನಿಯಮಗಳು 1957ರ ನಿಯಮಾನುಸಾರ ಹೊರಡಿಸಲಾದ ಇದೇ ಕ್ರಮಾಂಕದ ಕಾರಣ ಕೇಳುವ ಜ್ಞಾಪನ ದಿನಾಂಕ: 14.09.2016.

12) ನೌಕರರು ನೇರವಾಗಿ ನಿರ್ದೇಶನಾಲಯಕ್ಕೆ ಸಲ್ಲಿಸಿದ್ದ ಸಮಜಾಯಿಷಿ ದಿನಾಂಕ: 03.10.2016.

13) ಕರ್ನಾಟಕ ನಾಗರೀಕ ಸೇವಾ (ಸಿ.ಸಿ.ಎ) ನಿಯಮಗಳು 1957ರ ನಿಯಮಾನುಸಾರ ಹೊರಡಿಸಲಾದ ಇದೇ ಕ್ರಮಾಂಕದ ಮುಂದುವರೆದ ಕಾರಣ ಕೇಳುವ ಜ್ಞಾಪನ ದಿನಾಂಕ: 27.10.2016.

14) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರ ಪತ್ರದ ಸಂಖ್ಯೆ: ಜಿಸಾಂಅ/ಶಿ/ಆಡಳಿತ/ 30/1732/2015-16, ದಿನಾಂಕ: 05.11.2016 ಮತ್ತು 22.11.2016 ರೊಂದಿಗೆ ಲಗತ್ತಿಸಲಾದ ನೌಕರರ ದಿನಾಂಕ: 15.11.2016ರ ಸಮಜಾಯಿಷಿ.

15) ನಿರ್ದೇಶನಾಲಯದ ಕಛೇರಿ ಆದೇಶ ಸಂಖ್ಯೆ: ಆಡಳಿತ/730/2016-17, ದಿನಾಂಕ: 11.01.2017ರಲ್ಲಿ ಜಾರಿ ಮಾಡಲಾದ ಕಾರಣ ಕೇಳುವ ಜ್ಞಾಪನ.

16) ಶ್ರೀ ಹೆಚ್.ವಿ ರಾಮಚಂದ್ರ ರಾವ್, ನಿವೃತ್ತ ನ್ಯಾಯಾಧೀಶರು ಹಾಗೂ ವಿಚಾರಣಾಧಿಕಾರಿಗಳು, ಇವರು ದಿನಾಂಕ: 06.06.2017ರೊಂದಿಗೆ ಸಲ್ಲಿಸಿದ ಇಲಾಖಾ ವಿಚಾರಣಾ ವರದಿ.

17) ಆರೋಪಿದ ಸರ್ಕಾರಿ ನೌಕರರಾದ ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು ಇವರಿಗೆ ಹೊರಡಿಸಲಾದ 2ನೇ ಕಾರಣ ಕೇಳುವ ಜ್ಞಾಪನ ಸಂಖ್ಯೆ: ಆಸಾನಿ/64/ಆಡಳಿತ-4/2006-07/8104- 05, ದಿನಾಂಕ: 28.06.2017.

18) ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಜಿಲ್ಲೆ ಇವರ ಪತ್ರ ಸಂಖ್ಯೆ:

ಜಿಸಂಸಂ/ಪ್ರದಸ/36/983/2014-15, ದಿನಾಂಕ: 31.07.2017 ರೊಂದಿಗೆ ಲಗತ್ತಿಸಲಾದ ನೌಕರರ ದಿನಾಂಕ: 26.07.2017ರ ಲಿಖಿತ ಹೇಳಿಕೆ.

ಪ್ರಸ್ತಾವನೆ:

ಶ್ರೀಮತಿ ಕುಸುಮ ಇವರು ಉಲ್ಲೇಖ(1)ರಲ್ಲಿ ಅನುಕಂಪದ ಆಧಾರದ ಮೂಲಕ ಈ ನಿರ್ದೇಶನಾಲಯದ ಗುಂಪು "ಡಿ" ವೃಂದಕ್ಕೆ ನೇಮಕಾತಿ ಹೊಂದಿ ದಿನಾಂಕ:02.04.2001ರಂದು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಚೇರಿ, ಶಿವಮೊಗ್ಗ ಇಲ್ಲಿ ಕರ್ತವ್ಯಕ್ಕೆ ವರದಿ ಮಾಡಿಕೊಂಡಿರುತ್ತಾರೆ.

ತದನಂತರ ಉಲ್ಲೇಖ (2)ರ ಆದೇಶದಲ್ಲಿ ಗುಂಪು "ಡಿ" ಹುದ್ದೆಯಿಂದ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗೆ ಮುಂಬಡ್ತಿ ಹೊಂದಿ ದಿನಾಂಕ:

15.12.2006ರಂದು ಮುಂಬಡ್ತಿ ಹುದ್ದೆಗೆ ಕರ್ತವ್ಯಕ್ಕೆ ವರದಿ ಮಾಡಿಕೊಂಡಿರುತ್ತಾರೆ. ಸದರಿ ನೌಕರರು ದ್ವಿತೀಯ ದರ್ಜೆ ಸಹಾಯಕರಾಗಿ ಕರ್ತವ್ಯ೨೮೨ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ಭಾಗ ೩ ನಿರ್ವಹಿಸುತ್ತಿದ್ದ ಅವಧಿಯಲ್ಲಿ ವೃತ್ತಿ ಬುನಾದಿ ತರಬೇತಿಯನ್ನು ಜಿಲ್ಲಾ ತರಬೇತಿ ಸಂಸ್ಥೆ, ಶಿವಮೊಗ್ಗ ಇಲ್ಲಿ ಪಡೆದಿರುತ್ತಾರೆ. ಉಲ್ಲೇಖ (3)ರ ಆದೇಶದಲ್ಲಿ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಯಿಂದ ಪ್ರಥಮ ದರ್ಜೆ ಸಹಾಯಕರ ಹುದ್ದೆಗೆ ಮುಂಬಡ್ತಿ ಹೊಂದಿ ದಿನಾಂಕ: 31.12.2014 ರಿಂದ ಪ್ರಥಮ ದರ್ಜೆ ಸಹಾಯಕರ ಹುದ್ದೆಯ ಕರ್ತವ್ಯಕ್ಕೆ ವರದಿ ಮಾಡಿಕೊಂಡಿರುತ್ತಾರೆ. ಅಂದರೆ ಸದರಿ ನೌಕರರು 15.12.2006 ರಿಂದ 30.12.2014ರ ವರೆಗೆ ಒಟ್ಟು 08 ವರ್ಷಗಳ ಕಾಲ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಯಲ್ಲಿ ಕರ್ತವ್ಯ ನಿರ್ವಹಿಸಿರುತ್ತಾರೆ.

ಉಲ್ಲೇಖ (4)ರಲ್ಲಿ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರು ಸದರಿ ನೌಕರರು ಕಛೇರಿ ಕೆಲಸ ನಿರ್ವಹಣೆಯಲ್ಲಿ ನಿರ್ಲಕ್ಷ್ಯ, ಅಸಮರ್ಪಕ ಕರ್ತವ್ಯ ನಿರ್ವಹಣೆ ಮತ್ತು ಅಧಿಕಾರಿಗಳು ನೀಡಿದ ಯಾವುದೇ ಸೂಚನೆಗಳನ್ನು ಪಾಲಿಸದೇ ಇರುವುದು ಹಾಗೂ ಪದೇ ಪದೇ ನಿಯಮಗಳನ್ನು ಉಲ್ಲಂಘಿಸುವುದಾಗಿ ದೂರನ್ನು ಸಲ್ಲಿಸಿದ್ದು, ಸದರಿ ದೂರಿಗೆ ಸಂಬಂಧಿಸಿದಂತೆ ಉಲ್ಲೇಖ (5)ರಲ್ಲಿ ನಿರ್ದೇಶನಾಲಯದಿಂದ ನೌಕರರಿಗೆ ಜ್ಞಾಪನ ಜಾರಿ ಮಾಡಲಾಗಿತ್ತು. ಸದರಿ ಜ್ಞಾಪನವನ್ನು ಜಾರಿ ಮಾಡಿದ ಸಮಯದಲ್ಲಿ ನೌಕರರು ರಜೆ ಮೇಲೆ ತೆರಳಿದ್ದು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ನೌಕರರ ಮನೆ ವಿಳಾಸಕ್ಕೆ ದಿನಾಂಕ: 10.05.2016ರಂದು ಮುದ್ದಾಂ ಮೂಲಕ ಜ್ಞಾಪನವನ್ನು ಜಾರಿ ಮಾಡಿದ್ದು, ಸದರಿ ನೌಕರರು ಜ್ಞಾಪನದ ಮೂಲ ಪತ್ರವನ್ನು ತೆಗೆದುಕೊಳ್ಳದೆ ಜೆರಾಕ್ಸ್ ಪ್ರತಿಯನ್ನು ತೆಗೆದುಕೊಂಡು ಮೂಲ ಪತ್ರಕ್ಕೆ ಸಹಿ ಮಾಡಿ ಹಿಂದಿರುಗಿಸಿರುತ್ತಾರೆ. ಸದರಿ ಸ್ವೀಕೃತಿ ಪ್ರತಿಯನ್ನು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ದಿನಾಂಕ: 03.06.2016ರ ಪತ್ರದೊಂದಿಗೆ ಅದನ್ನು ಲಗತ್ತಿಸಿ ನಿರ್ದೇಶನಾಲಯಕ್ಕೆ ರವಾನಿಸಿರುತ್ತಾರೆ. ಈ ಮಧ್ಯೆ ಉಲ್ಲೇಖ (6)ರಲ್ಲಿ ಸದರಿ ನೌಕರರು ಮಾರ್ಚ್ 2016ರ ಮಾಹೆಯ 62ಬಿ ಮತ್ತು ವೆಚ್ಚ ಪ್ರಪತ್ರಗಳನ್ನು ನಿರ್ವಹಿಸದೇ ಇರುವುದರ ಕುರಿತು ನೌಕರರ ವಿರುದ್ಧ ಮತ್ತೊಂದು ದೂರನ್ನು ಸಲ್ಲಿಸಿರುತ್ತಾರೆ. ಸದರಿ ದೂರಿನ ಪತ್ರದಲ್ಲಿ ನೌಕರರು ಪ್ರಥಮ ದರ್ಜೆ ಸಹಾಯಕರ ಕಾರ್ಯನಿರ್ವಹಿಸುವ ಸಾಮರ್ಥ್ಯವೇ ಇರುವುದಿಲ್ಲವೆಂದು ಹಾಗೂ ಇವರಿಗೆ ಸರಿಯಾಗಿ ಅಕ್ಷರಗಳನ್ನು ಬರೆಯುವುದಾಗಲಿ, ಸುಲಭ ಲೆಕ್ಕಚಾರ ಮಾಡುವುದಾಗಲಿ, ಹೆಚ್.ಆರ್.ಎಂ.ಎಸ್ ತಂತ್ರಾಂಶದಲ್ಲಿ ವೇತನ ಬಿಲ್ಲುಗಳನ್ನು ತಯಾರಿಸುವುದಾಗಲಿ, ಸಿಬ್ಬಂದಿಗಳ ಸೇವಾಪುಸ್ತಕಗಳನ್ನು ನಿರ್ವಹಿಸುವುದಾಗಲಿ ಸಾಧ್ಯವಾಗುತ್ತಿಲ್ಲವೆಂದು ತಿಳಿಸಿರುತ್ತಾರೆ ಹಾಗೂ ಅವರಿಗೆ ಎಷ್ಟು ಭಾರಿ ಮಾರ್ಗದರ್ಶನ ನೀಡಿದರೂ ಸಹ ಸರಿಯಾಗಿ ಕೆಲಸಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತಿಲ್ಲ. ಅವರು ದ್ವಿತೀಯ ದರ್ಜೆ ಸಹಾಯಕರ ಕೆಲಸ ಕಾರ್ಯಗಳನ್ನು ಮಾತ್ರ ನಿರ್ವಹಿಸಲು ಸಮರ್ಥರಾಗಿರುತ್ತಾರೆ. ಈ ಕಾರಣದಿಂದ ಸದರಿ ಕಛೇರಿಯಲ್ಲಿ ಪ್ರಥಮ ದರ್ಜೆ ಸಹಾಯಕರು ಇದ್ದು ಸಹ ಅಧೀಕ್ಷಕರೇ ಪ್ರಥಮ ದರ್ಜೆ ಸಹಾಯಕರ ಕೆಲಸ ಕಾರ್ಯಗಳನ್ನು ಮಾಡಬೇಕಾದ ಪ್ರಸಂಗ ಬಂದೊದಗಿರುವುದಾಗಿ ತಿಳಿಸಿರುತ್ತಾರೆ. ಆದ್ದರಿಂದ ಪ್ರಥಮ ದರ್ಜೆ ಸಹಾಯಕರ ಕರ್ತವ್ಯ ನಿರ್ವಹಿಸಲು ನೌಕರರು ಅಸಮರ್ಥರಾಗಿರುತ್ತಾರೆ. ಕಛೇರಿಯಲ್ಲಿ ಅಹಿತಕರ ವಾತಾವರಣ ಉಂಟು ಮಾಡುತ್ತಿರುವ ಇವರ ಸೇವೆಯು ಈ ಕಛೇರಿಗೆ ಅಗತ್ಯವಿಲ್ಲವೆಂದು ಹಾಗೂ ಸದರಿ ನೌಕರರು ನಿರ್ದೇಶನಾಲಯದಿಂದ ನೀಡಿರುವ ಜ್ಞಾಪನಕ್ಕೆ ನಿಗಧಿತ ಅವಧಿಯೊಳಗೆ ಉತ್ತರಿಸದೆ ಕರ್ನಾಟಕ ನಾಗರಿಕ ಸೇವಾ(ನಡತೆ) ನಿಯಮಗಳು 1966ರ ನಿಯಮ 3(1)ನ್ನು ಉಲ್ಲಂಘಿಸಿರುವುದಾಗಿ ತಿಳಿಸಿರುತ್ತಾರೆ. ಅಲ್ಲದೆ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳೊಂದಿಗೆ ಅಗೌರವದಿಂದ ಎತ್ತರದ ಧ್ವನಿಯಲ್ಲಿ ಮಾತನಾಡಿ ಸರ್ಕಾರಿ ನೌಕರನಿಗೆ ಸಲ್ಲದ ರೀತಿಯಲ್ಲಿ ವರ್ತಿಸಿರುವುದಕ್ಕೆ ನೌಕರರ ವಿರುದ್ಧ ನಿಯಮಾನುಸಾರ ಕ್ರಮ ಜರುಗಿಸಿ ಇವರ ಸೇವೆಯನ್ನು ಸದರಿ ಕಛೇರಿಯಿಂದ ಹಿಂಪಡೆಯುವುದು ಹೆಚ್ಚು ಸೂಕ್ತವೆಂದು ಅಭಿಪ್ರಾಯ ವ್ಯಕ್ತಪಡಿಸಿರುತ್ತಾರೆ.

ಅಲ್ಲದೆ ಸದರಿ ನೌಕರರು ದಿನಾಂಕ: 20.04.2016 ರಿಂದ 20.05.2016ರ ವರೆಗೆ ವೈಯಕ್ತಿಕ ಕಾರಣದ ನಿಮಿತ್ತ ರಜೆ ಮೇಲೆ ತೆರಳಿದ್ದು ತದನಂತರ ದಿನಾಂಕ:

21.05.2016 ರಿಂದ ಯಾವ ದಿನಾಂಕದವರೆಗೆ ಎಂದು ದಿನಾಂಕವನ್ನು ನಮೂದಿಸದೆ ಅನಾರೋಗ್ಯದ ನಿಮಿತ್ತ ರಜೆಯನ್ನು ಮುಂದುವರೆಸಿರುತ್ತಾರೆ.

ವೈದ್ಯಕೀಯ ಪ್ರಮಾಣ ಪತ್ರವನ್ನು ತದನಂತರ ಸಲ್ಲಿಸುವುದಾಗಿ ತಿಳಿಸಿರುತ್ತಾರೆ.

ಮುಂದುವರೆದು, ಉಲ್ಲೇಖ (7)ರ ಜ್ಞಾಪನಕ್ಕೆ ಸಂಬಂಧಿಸಿದಂತೆ ನೌಕರರು ಸಲ್ಲಿಸಿರುವ ದಿನಾಂಕವಿಲ್ಲದ ಸಮಜಾಯಿಷಿಯಲ್ಲಿ ತಾವು ಪ್ರಥಮ ದರ್ಜೆ ಸಹಾಯಕರ ಹುದ್ದೆಗೆ ಮುಂಬಡ್ತಿ ಹೊಂದಿ ಸದರಿ ಹುದ್ದೆಯ ಪ್ರಭಾರವನ್ನು ವಹಿಸಿಕೊಂಡ ದಿನವೇ ತಮಗೆ ನಗದು ಪುಸ್ತಕದ ಬಗ್ಗೆ ಯಾವುದೇ ಮಾಹಿತಿ ಅಥವಾ ತರಬೇತಿ ಇಲ್ಲದಿರುವ ವಿಷಯವನ್ನು ಮೇಲಾಧಿಕಾರಿಗಳ ಗಮನಕ್ಕೆ ತಂದಿರುವುದಾಗಿ ತಿಳಿಸಿರುತ್ತಾರೆ. ಅಲ್ಲದೇ ಅವರು ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಸಂದರ್ಭದಲ್ಲಿಯೂ ತಮಗೆ ನಗದು ಪುಸ್ತಕವನ್ನು ನಿರ್ವಹಿಸುವ ಬಗ್ಗೆ ಯಾರು ತರಬೇತಿಯನ್ನು ನೀಡಿರುವುದಿಲ್ಲವೆಂದು ತಿಳಿಸಿರುತ್ತಾರೆ. ಅಲ್ಲದೆ ಪ್ರಥಮ ದರ್ಜೆ ಸಹಾಯಕರ ಹುದ್ದೆಗೆ ಬಡ್ತಿ ಹೊಂದಿದ ನಂತರ ಅನಾರೋಗ್ಯದ ನಿಮಿತ್ತ ಪದೇ ಪದೇ ವೈದ್ಯಕೀಯ ಕಾರಣದಿಂದ ರಜೆಯ ಮೇಲೆ ತೆರಳಬೇಕಾದ ಸಂದರ್ಭಗಳು ಒದಗಿದ ಕಾರಣ ಅವರು ಪ್ರಥಮ ದರ್ಜೆ ಸಹಾಯಕರ ಕೆಲಸಗಳನ್ನು ನಿರ್ವಹಿಸಲು ಅಸಮರ್ಥಳಾಗಿರುತ್ತೇನೆಂದು ಸ್ವತಃ ನೌಕರರೇ ತಿಳಿಸಿರುತ್ತಾರೆ. ಅಲ್ಲದೆ ತಮಗೆ ಅನಾರೋಗ್ಯದ ಸಮಸ್ಯೆ ಇರುವುದರಿಂದ ಅಶಕ್ತತೆಯ ಕಾರಣ ಸದರಿ ಹುದ್ದೆಯ ಕರ್ತವ್ಯಗಳನ್ನು ನಿರ್ವಹಿಸುವಲ್ಲಿ ತೊಂದರೆಯಾಗುತ್ತಿದ್ದು, ಈ ಕಾರಣಗಳಿಂದ ಪ್ರಥಮ ದರ್ಜೆ ಸಹಾಯಕರ ಹುದ್ದೆಯಿಂದ ಬಿಡುಗಡೆಗೊಳಿಸಿ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗೆ ಹಿಂಬಡ್ತಿ ನೀಡುವಂತೆ ಕೋರಿರುತ್ತಾರೆ.

ಉಲ್ಲೇಖ (8)ರ ಈ ನಿರ್ದೇಶನಾಲಯದ ಪತ್ರದಲ್ಲಿ ಸದರಿ ನೌಕರರ ವಿರುದ್ಧ ನಿಯಮಾನುಸಾರ ಕ್ರಮ ತೆಗೆದುಕೊಳ್ಳುವ ಪೂರ್ವದಲ್ಲಿ ಕರ್ನಾಟಕ ನಾಗರಿಕ ಸೇವಾ (ಸಿ.ಸಿ.ಎ) ನಿಯಮಾವಳಿಗಳ ನಿಯಮ 11ರನ್ವಯ ಇಲಾಖಾ ವಿಚಾರಣೆಯನ್ನು ಏರ್ಪಡಿಸಲು ನೌಕರರ ವಿರುದ್ಧದ ಎಲ್ಲಾ ಆರೋಪಗಳನ್ನು ಒಳಗೊಂಡ ಅನುಬಂಧ 1 ರಿಂದ 4ರ ವರೆಗಿನ ಕರಡು ದೋಷಾರೋಪಣಾ ಪಟ್ಟಿಯನ್ನು ತಯಾರಿಸಿ ನಿರ್ದೇಶನಾಲಯಕ್ಕೆ ಸಲ್ಲಿಸುವಂತೆ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರಿಗೆ ಸೂಚಿಸಲಾಗಿತ್ತು. ಅದರಂತೆ ಉಲ್ಲೇಖ(1)ರಲ್ಲಿ ಸದರಿ ದೋಷಾರೋಪಣಾ ಪಟ್ಟಿಯನ್ನು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ತಯಾರಿಸಿ ನಿರ್ದೇಶನಾಲಯಕ್ಕೆ ಸಲ್ಲಿಸಿದ್ದು, ಆದರೆ ಸದರಿ ಪಟ್ಟಿಯನ್ನು ಕೆಲವು ಅಂಶಗಳನ್ನು ನಮೂದಿಸದೆ ಇದ್ದ ಕಾರಣ ಪರಿಷ್ಕøತ ಕರಡು ದೋಷಾರೋಪಣಾ ಪಟ್ಟಿಯನ್ನು ಸಲ್ಲಿಸುವಂತೆ ಸೂಚಿಸಿ ಸದರಿ ಪಟ್ಟಿಯನ್ನು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರಿಗೆ ದಿನಾಂಕ:

27.07.2016ರಂದು ಹಿಂದಿರುಗಿಸಲಾಗಿತ್ತು. ಈ ಹಿನ್ನಲೆಯಲ್ಲಿ ಉಲ್ಲೇಖ (10) ರಲ್ಲಿ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು, ಶಿವಮೊಗ್ಗ ಇವರು ಅನುಬಂಧ- 1 ರಿಂದ 4ರವರೆಗೆ ಕರಡು ದೋಷಾಪಣಾ ಪಟ್ಟಿಯನ್ನು ತಯಾರಿಸಿ ಪೂರಕ ದಾಖಲೆಗಳೊಂದಿಗೆ ಈ ನಿರ್ದೇಶನಾಲಯಕ್ಕೆ ಕಳುಹಿಸಿರುತ್ತಾರೆ. ತತ್ಸಂಬಂಧ ಉಲ್ಲೇಖ (11)ರಲ್ಲಿ ಕರ್ನಾಟಕ ನಾಗರೀಕ ಸೇವಾ (ವರ್ಗೀಕರಣ, ನಿಯಂತ್ರಣ ಮತ್ತು ಅಫೀಲು)ನಿಯಮಗಳು 1957ರ ನಿಯಮ: 11ರನ್ವಯ "ಆರೋಪಗಳಿಗೆ ಸಂಬಂಧಿಸಿದಂತೆ ವಿವರಣೆಯನ್ನು, ಆರೋಪಗಳನ್ನು ಸಮರ್ಥಿಸುವ ದಸ್ತಾವೇಜುಗಳನ್ನು ಹಾಗೂ ಸಾಕ್ಷಿ ಪಟ್ಟಿಯನ್ನು ಈ ಕೆಳಗೆ ತಿಳಿಸಲಾದ 04 ಆರೋಪಗಳನ್ನು ಒಳಗೊಂಡಂತೆ ಅನುಕ್ರಮವಾಗಿ ಅನುಬಂಧ 1 ರಿಂದ 4ರ ವರೆಗೆ ಲಗತ್ತಿಸಿ ಕಾರಣ ಕೇಳುವ ಜ್ಞಾಪನವನ್ನು ಜಾರಿ ಮಾಡಿ ಸದರಿ ಜ್ಞಾಪನ ತಲುಪಿದ 15 ದಿನಗಳ ಒಳಗಾಗಿ ಲಿಖಿತ ಹೇಳಿಕೆಯನ್ನು ಸಲ್ಲಿಸುವಂತೆ ಸೂಚಿಸಲಾಗಿತ್ತು.

ಆರೋಪ-1

ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಛೇರಿ, ಶಿವಮೊಗ್ಗ ಆದ ನೀವು ಒಬ್ಬ ಜವಾಬ್ದಾರಿಯುತ ವಿಷಯ ನಿರ್ವಾಹಕರಾಗಿದ್ದು, ಕಚೇರಿಯ ಕೆಲವು ಸಿಬ್ಬಂದಿಗಳ ಸೇವಾ ಪುಸ್ತಕದಲ್ಲಿ ವಾರ್ಷಿಕ ವೇತನ ಬಡ್ತಿಯ ಮೊತ್ತವನ್ನು ಪದಗಳಲ್ಲಿ ಬರೆಯುವಾಗ ತಪ್ಪಾಗಿ ನಮೂದಿಸಿರುತ್ತೀರಿ. 2015ರ ಜನವರಿ ಮತ್ತು ಫೆಬ್ರವರಿ ಮಾಹೆಯಲ್ಲಿ ನಗದು ಪುಸ್ತಕದಲ್ಲಿ ಸ್ವೀಕೃತಿ ಮತ್ತು ಸಂದಾಯಗಳನ್ನು ನಮೂದಿಸುವ ಭಾಗದಲ್ಲಿ ತಪ್ಪಾಗಿ ನಮೂದಿಸಿರುತ್ತೀರಿ ಹಾಗೂ 2015ರ ಡಿಸಂಬರ್ ಮಾಹೆಯ ನಿಮ್ಮ ವಾರ್ಷಿಕ ವೇತನ ಬಡ್ತಿಯನ್ನು ಬಿಡುಗಡೆಗೊಳಿಸಿದ್ದರೂ ಸಹ ಅದನ್ನು ಸೇವಾ ಪುಸ್ತಕದಲ್ಲಿ ಇಂದಿನ ದಿನಾಂಕದವರೆವಿಗೂ ದಾಖಲಿಸಿರುವುದಿಲ್ಲ. ನಿಮ್ಮದೇ ಆದ ಕೆ.ಜಿ.ಐ.ಡಿ ಹೆಚ್ಚುವರಿ ಪ್ರೀಮಿಯಂ ಪ್ರಸ್ತಾವನೆಗೆ ಸಂಬಂಧಿಸಿದಂತೆ ಕರ್ತವ್ಯಲೋಪ ಎಸಗಿರುವುದು ಕಂಡು ಬಂದಿರುತ್ತದೆ.

ಆರೋಪ-2

ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಛೇರಿ, ಶಿವಮೊಗ್ಗ ಆದ ನೀವು ಕಛೇರಿಯಲ್ಲಿ ಮೇಲಾಧಿಕಾರಿಗಳೊಂದಿಗೆ ಏರು ಧ್ವನಿಯಲ್ಲಿ ಮಾತನಾಡುವುದು ಹಾಗೂ ನಿಗದಿತ ಸಮಯದಲ್ಲಿ ಕೆಲಸ ನಿರ್ವಹಿಸಲು ಸೂಚಿಸಿದರೆ ಕಚೇರಿ ಅಧೀಕ್ಷಕರು ಕಿರುಕುಳ ನೀಡುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿಗಳಿಗೆ ದೂರು ನೀಡುವುದಾಗಿ ಬೆದರಿಕೆ ಮಾತುಗಳನ್ನಾಡಿ ಕಚೇರಿಯಲ್ಲಿ ಅಹಿತಕರ ವಾತಾವರಣ ಸೃಷ್ಟಿಸುವಲ್ಲಿ ನಿಸ್ಸೀಮರಾಗಿರುತ್ತೀರಿ ಎಂಬ ಅಂಶವನ್ನು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ನಿರ್ದೇಶನಾಲಯಕ್ಕೆ ದಿನಾಂಕ: 24.03.2016ರಲ್ಲಿ ಬರೆದಿರುವ ಪತ್ರದ ಮೂಲಕ ತಿಳಿದು ಬಂದಿರುತ್ತದೆ. ಕರ್ನಾಟಕ ನಾಗರೀಕ ಸೇವಾ (ನಡತೆ) ನಿಯಮಗಳು, 1966ರ ನಿಯಮ 3ರ ಉಪಬಂದಗಳನ್ನು ಉಲ್ಲಂಘಿಸಿರುತ್ತೀರಿ.

ಆರೋಪ-3

ವೆಚ್ಚ ಪ್ರಪತ್ರ ಏಈಅ 62-ಬಿ ತಃಖ್ತೆ, ವಿಷಯ ವಹಿ, ನಗದು ಪುಸ್ತಕ, ಸೇವಾ ಪುಸ್ತಕಗಳ ನಿರ್ವಹಣೆ ಇತ್ಯಾದಿ ಶಾಶ್ವತ ದಾಖಲೆಗಳನ್ನು ಇಂದೀಕರಿಸಿರುವುದಿಲ್ಲ. ಮೇಲಾಧಿಕಾರಿಗಳು ನೀಡುವ ಲಿಖಿತ ಹಾಗೂ ಮೌಖಿತ ಸೂಚನೆಗಳನ್ನು ಪಾಲಿಸದೇ ನಿಮಗೆ ಇಷ್ಟ ಬಂದಂತೆ ವರ್ತಿಸಿರುತ್ತೀರಿ ಹಾಗೂ ಕಚೇರಿ ವೇಳೆಯಲ್ಲಿ ಅತಿಯಾಗಿ ಮೊಬೈಲ್ ಬಳಕೆ ಮಾಡುತ್ತಾ ವಿನಾ ಕಾರಣ ಕಾಲ ಹರಣ ಮಾಡುವುದಲ್ಲದೆ ಕಚೇರಿ ಸಿಬ್ಬಂದಿಗಳಿಗೆ ಕೆಲಸ ನಿರ್ವಹಿಸಲು ಅಡಚಣೆ ಉಂಟುಮಾಡುವಲ್ಲಿ ಕಾರಣರಾಗಿರುತ್ತೀರಿ. ಈ ಕುರಿತು ನಿಮಗೆ ಹಲವಾರು ಬಾರಿ ಮೇಲಾಧಿಕಾರಿಗಳು ಮೌಖಿಕವಾಗಿ ತಿಳಿಸಿದರೂ ಸಹ ಇದೇ ಪ್ರವೃತ್ತಿಯನ್ನು ಮುಂದುವರೆಸಿರುತ್ತೀರಿ. ಮಾಹಿತಿ ಹಕ್ಕು ಅಧಿನಿಯಮದಡಿ ಶ್ರೀ ಜಿ.ವಿ. ಅತ್ರಿ ನಿವೃತ್ತ ವಿಂಗ್ ಕಮಾಂಡರ್ ಇವರು ಅರ್ಜಿ ಸಲ್ಲಿಸಿದ್ದು, ಸದರಿ ಅರ್ಜಿಯಲ್ಲಿ ವಾಹನಕ್ಕೆ ಸಂಬಂಧಿಸಿದಂತೆ ಕೇಳಿರುವ ಮಾಹಿತಿಗೆ ನಿಗಧಿತ ಅವಧಿಯಲ್ಲಿ ಉತ್ತರವನ್ನು ಸಿದ್ದಪಡಿಸದೆ ವಿಳಂಬಕ್ಕೆ ಕಾರಣರಾಗಿತ್ತೀರೆಂದು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ನಿಮಗೆ ದಿನಾಂಕ: 18.01.2016ರಲ್ಲಿ ಕಾರಣ ಕೇಳುವ ನೋಟೀಸು ಜಾರಿ ಮಾಡಿರುತ್ತಾರೆ.

ದಿನಾಂಕ: 18.04.2016ರ ನಿಮ್ಮ ಮನವಿಯಲ್ಲಿ ಇನ್ನಿತರೆ ಅಂಶಗಳೊಂದಿಗೆ ನಿಮಗೆ ಲೆಕ್ಕ-ವಹಿ ಪುಸ್ತಕ ಬರೆಯುವ ಜ್ಞಾನವಿಲ್ಲದೆ ಇರುವುದಾಗಿ ಹಾಗೂ ಪ್ರಥಮ ದರ್ಜೆ ಸಹಾಯಕರಾಗಿ ಕೆಲಸ ನಿರ್ವಹಿಸಲು ಅಸಾದ್ಯವಾಗುತ್ತಿರುವುದಾಗಿ ತಿಳಿಸಿರುತ್ತೀರಿ.

ಆರೋಪ-4

ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಛೇರಿ, ಶಿವಮೊಗ್ಗ ಆದ ನಿಮಗೆ ಈ ಕೆಳಕಂಡ ದಿನಾಂಕಗಳಲ್ಲಿ ವಿವಿಧ ತರಬೇತಿಗೆ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳು ನಿಯೋಜಿಸಿರುತ್ತಾರೆ.

• ದಿನಾಂಕ: 18.02.2015 ರಿಂದ 19.02.2015ರ ವರೆಗೆ 02 ದಿನಗಳು ಹೆಚ್.ಆರ್.ಎಂ.ಎಸ್ ಮತ್ತು ಇಂಟರ್‌ನೆಟ್ ಬಳಕೆ ಕುರಿತು ಜಿಲ್ಲಾ ತರಬೇತಿ ಕೇಂದ್ರಕ್ಕೆ ದಿನಾಂಕ: 16.02.2015ರಂದು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಪತ್ರದ ಮೂಲಕ ನಿಯೋಜಿಸಲಾಗಿದ್ದರೂ ಸಹ ಹೆಚ್.ಆರ್.ಎಂ.ಎಸ್ ತಂತ್ರಾಂಶ ಬಳಕೆ ಮಾಡುತ್ತಿರುವುದಿಲ್ಲ.

• ದಿನಾಂಕ: 09.06.2015 ರಿಂದ 10.06.2015ರ ವರೆಗೆ 02 ದಿನಗಳು ವೇತನ ನಿಗಧಿ ಕುರಿತು 04.06.2015ರ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಪತ್ರದ ಮೂಲಕ ನಿಯೋಜಿಸಲಾಗಿರುತ್ತದೆ.

• ದಿನಾಂಕ: 07.07.2015 ರಿಂದ 09.07.2015ರ ವರೆಗೆ 03 ದಿನಗಳು ಪಿಂಚಣಿ ದಾಖಲೆಗಳ ಮತ್ತು ಎನ್.ಪಿ.ಎಸ್ ಕುರಿತು 03.07.2015ರ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಪತ್ರದ ಮೂಲಕ ನಿಯೋಜಿಸಲಾಗಿರುತ್ತದೆ. ಆದಾಗ್ಯೂ ನಿಮ್ಮ ಕಾರ್ಯ ವೈಖರಿಯಲ್ಲಿ ಯಾವುದೇ ಬದಲಾವಣೆಯು ಕಂಡುಬಂದಿರುವುದಿಲ್ಲ.

• ಈ ಮೇಲಿನ ಎಲ್ಲಾ ಕರ್ತವ್ಯಲೋಪವು ಕರ್ನಾಟಕ ನಾಗರೀಕ ಸೇವಾ(ನಡತೆ) ನಿಯಮಗಳು, 1966 ನಿಯಮ 3ನೇ ನಿಯಮದ ಉಪನಿಯಮಗಳಿಗೆ ವಿರುದ್ಧವಾಗಿದ್ದು, ನಿಯಮದ ಉಲ್ಲಂಘನೆ ಮಾಡಿರುತ್ತೀರಿ.

ಮೇಲಿನ ಆರೋಪಗಳಿಗೆ ಸಂಬಂಧಿಸಿದಂತೆ ಉಲ್ಲೇಖ (12)ರಲ್ಲಿ ನೌಕರರು ದಿನಾಂಕ 03.10.2016ರಂದು ಲಿಖಿತ ಸಮಜಾಯಿಷಿಯನ್ನು ನೇರವಾಗಿ ನಿರ್ದೇಶನಾಲಯಕ್ಕೆ ಸಲ್ಲಿಸಿರುತ್ತಾರೆ. ಸದರಿ ಸಮಜಾಯಿಷಿ ವಿವರಣೆಯಲ್ಲಿ ನೌಕರರು ಅನುಬಂಧ 1 ರಿಂದ 4ರ ವರೆಗೆ ಅವರ ವಿರುದ್ಧ ಮಾಡಲಾದ ಆರೋಪಗಳನ್ನು ಒಪ್ಪಿಕೊಂಡಿರುವುದಿಲ್ಲ್ಲ ಹಾಗೂ ಅವು ಸತ್ಯಕ್ಕೆ ದೂರವಾಗಿರುತ್ತದೆಯೆಂದು, ತಾವು ಯಾವುದೇ ತಪ್ಪನ್ನು ಎಸಗಿರುವುದಿಲ್ಲವೆಂದು ತಿಳಿಸಿರುತ್ತಾರೆ. ಕಚೇರಿಯ ಅಧೀಕ್ಷಕರು ಅವರಿಗೆ ಕೆಲಸಗಳನ್ನು ನಿರ್ವಹಿಸಲು ಸರಿಯಾಗಿ ಮಾರ್ಗದರ್ಶನ ನೀಡುತ್ತಿರಲಿಲ್ಲವೆಂದು ತಿಳಿಸಿರುತ್ತಾರೆ. ಅವರ ಸಮಜಾಯಿಷಿಯಲ್ಲಿ ಇನ್ನಿತರೆ ಅಂಶಗಳೊಂದಿಗೆ ಅವರಿಗೆ ಯಾವ ಕೆಲಸಗಳನ್ನು ನಿರ್ವಹಿಸಬೇಕೆಂಬುದರ ಕುರಿತು ಕೆಲಸದ ಹಂಚಿಕೆ ಆದೇಶವನ್ನು ಅಧಿಕಾರಿಗಳು ಜಾರಿ ಮಾಡಿರುವುದಿಲ್ಲವೆಂದು ಹಾಗೂ ತಾವು ಯಾರ ವಿರುದ್ಧವು ಏರು ಧ್ವನಿಯಲ್ಲಿ ಮಾತನಾಡಿರುವುದಿಲ್ಲವೆಂದು ತಿಳಿಸಿರುತ್ತಾರೆ. ಅಧಿಕಾರಿಗಳು ಉದ್ದೇಶಪೂರ್ವಕವಾಗಿ ಪದೇ ಪದೇ ಅವರಿಗೆ ಜ್ಞಾಪನಗಳನ್ನು ನೀಡಿ ಮಾನಸಿಕ ಹಿಂಸೆ ನೀಡಿರುತ್ತಾರೆ. ಅಧಿಕಾರಿಗಳು ಅಧೀಕ್ಷಕರಿಗೂ ಸಹ ನೋಟೀಸ್ ನೀಡಿ ಇಲಾಖಾ ವಿಚಾರಣೆ ಏರ್ಪಡಿಸುವ ಮುನ್ನ ಸತ್ಯಶೋಧನ ವಿಚಾರಣೆಯನ್ನು ನಡೆಸಿ ತದನಂತರ ಆರೋಪ ಪಟ್ಟಿಯನ್ನು ಕಚೇರಿ ಮುಖ್ಯಸ್ಥರಿಗೆ ಕಳುಹಿಸದೇ೨೮೪ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ಭಾಗ ೩ ನೇರವಾರ ಅಧೀಕ್ಷಕರನ್ನು ವಹಿಸಿಕೊಳ್ಳುವ ದೃಷ್ಠಿಯಿಂದ ಆರೋಪ ಪಟ್ಟಿಯನ್ನು ಶಿಸ್ತು ಪ್ರಾಧಿಕಾರಕ್ಕೆ ಕಳುಹಿಸಿರುವುದು ನ್ಯಾಯಸಮ್ಮತವಲ್ಲವೆಂದು ತಿಳಿಸಿರುತ್ತಾರೆ ಹಾಗೂ ಆರೋಪಗಳಿಂದ ವಿಮುಕ್ತಿಗೊಳಿಸಬೇಕೆಂದು ಕೋರಿರುತ್ತಾರೆ. ಅಲ್ಲದೆ ಅವರು ಕರ್ತವ್ಯ ವಿಫಲರಾಗಿದ್ದಕ್ಕೆ ಕಚೇರಿಯ ಅಧೀಕ್ಷಕರು ಸಹ ಕಾರಣರಾಗಿರುವುದರಿಂದ ಅಧೀಕ್ಷಕರ ಹಾಗೂ ತಮ್ಮ ವಿರುದ್ಧ ಜಂಟಿ ಇಲಾಖಾ ವಿಚಾರಣೆ ನಡೆಸಬೇಕೆಂದು ಕೋರಿರುತ್ತಾರೆ.

ಮುಂದುವರೆದು, ಸದರಿ ಸಮಜಾಯಿಷಿ ವಿವರಣೆಯ 2ನೇ ಪುಟದಲ್ಲಿ ನೌಕರರು ತಮ್ಮ ಸಹಿಯನ್ನು "ತಮ್ಮ ವಿಶ್ವಾಸಿ" ಎಂದು ನಮೂದಿಸಿರುವ ಕೆಳಗೆ ಸಹಿ ಮಾಡದೆ ಅದರ ಮೇಲೆ ಸಹಿ ಮಾಡಿರುತ್ತಾರೆ. ಒಬ್ಬ ಜವಾಬ್ದಾರಿಯುತ ಪ್ರಥಮ ದರ್ಜೆ ಸಹಾಯಕರಾಗಿ ತಮ್ಮ ವಿವರಣೆ ಪತ್ರದಲ್ಲಿ ಎಲ್ಲಿ ಸಹಿ ಮಾಡಬೇಕು ಎಂಬ ಸಾಮಾನ್ಯ ಜ್ಞಾನವೂ ಸಹ ಅವರು ಹೊಂದಿರುವುದಿಲ್ಲವೆಂಬುದು ಕಂಡು ಬಂದಿದ್ದ ಹಿನ್ನಲೆಯಲ್ಲಿ ದಿನಾಂಕ: 14.09.2016ರಂದು ನೀಡಲಾದ ಅನುಬಂಧ-1 ರಿಂದ 4ರ ವರೆಗಿನ ದೋಷಾರೋಪಣಾ ಪಟ್ಟಿಯನ್ನು ಮುಂದುವರೆಸಿ ಮತ್ತೊಮ್ಮೆ ಉಲ್ಲೇಖ (13)ರನ್ವಯ ದಿನಾಂಕ:

27.10.2016ರಲ್ಲಿ ಕರ್ನಾಟಕ ನಾಗರೀಕ ಸೇವಾ (ವರ್ಗೀಕರಣ, ನಿಯಂತ್ರಣ ಮತ್ತು ಅಫೀಲು) ನಿಯಮಗಳು 1957ರ ನಿಯಮ: 11ರನ್ವಯ ಕಾರಣ ಕೇಳುವ ಜ್ಞಾಪನವನ್ನು ಜಾರಿ ಮಾಡಲಾಗಿತ್ತು. ಅದರಂತೆ ಉಲ್ಲೇಖ (14)ರಲ್ಲಿ ನೌಕರರು ದಿನಾಂಕ: 15.11.2016ರಂದು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳಿಗೆ ಸಲ್ಲಿಸಿರುವ ಸಮಜಾಯಿಷಿ ವಿವರಣೆ ಮನವಿಯನ್ನು ಸಂಬಂಧಿಸಿದ ಮೇಲಾಧಿಕಾರಿಗಳ ವಿಳಾಸಕ್ಕೆ ಸಲ್ಲಿಸದೆ ನಿರ್ದೇಶಕರ ಹೆಸರಿನ ವಿಳಾಸಕ್ಕೆ ಸಲ್ಲಿಸಿರುತ್ತಾರೆ. ಸದರಿ ಸಮಜಾಯಿಷಿ ಮನವಿಯನ್ನು ಸಮುಚಿತ ಮಾರ್ಗದ ಮೂಲಕ ಸಲ್ಲಿಸದೆ ಇರುವುದನ್ನು ಮೇಲಾಧಿಕಾರಿಗಳು ಪ್ರಶ್ನಿಸಿರುತ್ತಾರೆ.

ಆದರೆ ನೌಕರರು ಈ ಕುರಿತು ಅವರ ಸಮಜಾಯಿಷಿ ಮನವಿಯಲ್ಲಿ ವಿವರಣೆಯನ್ನು ನೀಡಿರುವುದಿಲ್ಲ.

ಮುಂದುವರೆದು, ತಾವು ಸದರಿ ಸಮಜಾಯಿಷಿಯಲ್ಲಿ "ತಮ್ಮ ವಿಶ್ವಾಸಿ" ಎಂದು ನಮೂದಿಸಿರುವ ಕೆಳಗೆ ಸಹಿ ಮಾಡುವ ಬದಲಾಗಿ ಕಣ್‌ತಪ್ಪಿನಿಂದ ಹಾಗೂ ಗಾಬರಿಯಿಂದ ಆತಂಕಗೊಂಡು ಅದರ ಮೇಲೆ ಸಹಿ ಮಾಡಿರುವುದರಿಂದ ಸದರಿ ತಪ್ಪನ್ನು ಮನ್ನಿಸುವಂತೆ ಕೋರಿರುತ್ತಾರೆ. ಸದರಿ ನೌಕರರು ತಪ್ಪು ಸಹಿ ಮಾಡಿರುವ ಆರೋಪವನ್ನು ಮಾತ್ರ ಒಪ್ಪಿಕೊಂಡಿದ್ದು ಇನ್ನಿತರೆ ಆರೋಪಗಳನ್ನು ಒಪ್ಪಿಕೊಳ್ಳದ ಕಾರಣ ಸದರಿ ಆರೋಪಗಳ ಸತ್ಯಾಸತ್ಯತೆಯನ್ನು ತಿಳಿಯುವ ದೃಷ್ಟಿಯಿಂದ ಉಲ್ಲೇಖ(15)ರಲ್ಲಿ ಶ್ರೀ ಕೆ.ವಿ.ಸುಬ್ರಮಣ್ಯಂ, ನಿರ್ದೇಶಕರು ಮತ್ತು ಶಿಸ್ತು ಪ್ರಾಧಿಕಾರ, ಆರ್ಥಿಕ ಮತ್ತು ಸಾಂಖ್ಯಿಕ ನಿರ್ದೇಶನಾಲಯ, ಆದ ನಾನು ಸದರಿ ಆರೋಪಗಳ ಕುರಿತು ವಿಚಾರಣೆ ನಡೆಸಲು ತೀರ್ಮಾನಿಸಿ ವಿಚಾರಣೆ ನಡೆಸುವ ಸಲುವಾಗಿ ವಿಚಾರಣಾನಾಧಿಕಾರಿಗಳನ್ನಾಗಿ ಶ್ರೀ ಹೆಚ್.ವಿ ರಾಮಚಂದ್ರ ರಾವ್, ನಿವೃತ್ತ ನ್ಯಾಯಾಧೀಶರು ಹಾಗೂ ಮಂಡನಾಧಿಕಾರಿಗಳನ್ನಾಗಿ ಶ್ರೀ ಎಸ್.ಓ. ನಾರಾಯಣಪ್ಪ, ಸಿ.ಎನ್.ಎಲ್. ವಿಭಾಗ, ಆರ್ಥಿಕ ಮತ್ತು ಸಾಂಖ್ಯಿಕ ನಿರ್ದೇಶನಾಲಯ, ಬೆಂಗಳೂರು ಇವರನ್ನು ನೇಮಿಸಲಾಗಿತ್ತು.

ನಿವೃತ್ತ ನ್ಯಾಯಾಧೀಶರು ಆದ ವಿಚಾರಣಾಧಿಕಾರಿಗಳು, ಉಲ್ಲೇಖ (16)ರನ್ವಯ ದಿನಾಂಕ: 06.06.2017ರಂದು ಸಲ್ಲಿಸಿದ ಅವರ ವಿಚಾರಣಾ ವರದಿಯಲ್ಲಿ "ಆಪಾಧಿತರು ಅಂದರೆ ಸರ್ಕಾರಿ ನೌಕರರಾದ ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು ಇವರು ದೋಷಾರೋಪಣೆಯಲ್ಲಿ ನಮೂದಿಸಿರುವಂತೆ ಕರ್ನಾಟಕ ನಾಗರಿಕ ಸೇವಾ (ನಡತೆ) ನಿಯಮಗಳು, 1966ರ ನಿಯಮ 3(iii)ರಂತೆ ಆರೋಪಗಳು ರುಜುವಾತಾಗಿವೆ ಹಾಗೂ ನೌಕರರು ತಮಗೆ ಕೊಟ್ಟ ಮುಂಬಡ್ತಿಯನ್ನು ಬೇಡವೆಂದು ವಿನಂತಿಸಿಕೊಂಡಿರುತ್ತಾರೆ ಎಂದು ವರದಿ ನೀಡಿದ್ದು, ಸದರಿ ವಿಚಾರಣಾ ವರದಿಯ 19ನೇ ಕಂಡಿಕೆಯಲ್ಲಿ ನೌಕರರು ತಮಗೆ ಅನಾರೋಗ್ಯದ ಸಮಸ್ಯೆ ಪದೇ ಪದೇ ಬರುತ್ತಿರುವುದರಿಂದ ಹಾಗೂ ಅಶಕ್ತತೆಯ ಕಾರಣ ಪ್ರಥಮ ದರ್ಜೆ ಸಹಾಯಕರ ಹುದ್ದೆಯ ಕರ್ತವ್ಯಗಳನ್ನು ನಿರ್ವಹಿಸುವಲ್ಲಿ ತೊಂದರೆಯಾಗುತ್ತಿರುವ ಕಾರಣ ದಯವಿಟ್ಟು, ಪ್ರಥಮ ದರ್ಜೆ ಸಹಾಯಕರ ಹುದ್ದೆಯಿಂದ ಬಿಡುಗಡೆಗೊಳಿಸಿ ದ್ವಿತೀಯ ದರ್ಜೆ ಸಹಾಯಕರ ಸ್ಥಾನಕ್ಕೆ ನೇಮಕ ಮಾಡಿ ಶಿವಮೊಗ್ಗ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಛೇರಿಯಲ್ಲಿ ಮುಂದುವರೆಸುವಂತೆ ಕೋರಿರುತ್ತಾರೆ.

ಸರ್ಕಾರದ ಸುತ್ತೋಲೆ ಸಂಖ್ಯೆ: ಸಿಆಸುಇ/12/ಸೇಇವಿ/1994, ದಿನಾಂಕ: 07.12.1994ರನ್ವಯ ಆಪಾದಿತ ಸರ್ಕಾರಿ ನೌಕರನಿಗೆ ಉಲ್ಲೇಖ (17)ರಲ್ಲಿ 2ನೇ ಕಾರಣ ಕೇಳುವ ಜ್ಞಾಪನದೊಂದಿಗೆ ಇಲಾಖಾ ವಿಚಾರಣಾ ವರದಿಯನ್ನು ಜಾರಿ ಮಾಡಿ ಲಿಖಿತ ಹೇಳಿಕೆಯನ್ನು ಜ್ಞಾಪನ ತಲುಪಿದ 15 ದಿನಗಳ ಒಳಗಾಗಿ ಸಲ್ಲಿಸುವಂತೆ ಸೂಚಿಸಲಾಗಿತ್ತು. ಆದರೆ ಉಲ್ಲೇಖ (18)ರಲ್ಲಿ ನೌಕರರು ಅವರಿಗೆ ನೀಡಲಾದ ಕಾಲಾವಧಿಯನ್ನು ಮೀರಿ (09 ದಿನಗಳ ನಂತರ) ದಿನಾಂಕ: 26.07.2017ರಂದು ಮೇಲಾಧಿಕಾರಿಗಳ ಮುಖಾಂತರ ಸಲ್ಲಿಸಿದ ಲಿಖಿತ ಹೇಳಿಕೆಯಲ್ಲಿ ಅವರು ತಡವಾಗಿ ಲಿಖಿತ ಹೇಳಿಕೆಯನ್ನು ಸಲ್ಲಿಸಿದ್ದಕ್ಕೆ ಯಾವುದೇ ಸಮಜಾಯಿಷಿಯನ್ನು ನೀಡಿದೆ ವಿಚಾರಣಾಧಿಕಾರಿಗಳು ನೀಡಿದ ವಿಚಾರಣಾ ವರದಿಯನ್ನು ಸಂಪೂರ್ಣವಾಗಿ ಒಪ್ಪಿಕೊಂಡಿರುತ್ತಾರೆ. ಈ ಹಿನ್ನಲೆಯಲ್ಲಿ ಸದರಿ ನೌಕರರು ಪ್ರಥಮ ದರ್ಜೆ ಸಹಾಯಕರ ಹುದ್ದೆಯಲ್ಲಿ ಮುಂದುವರೆಯಲು ಅನರ್ಹರೆಂದು ಸಾಬೀತಾಗುತ್ತದೆ.

ಒಟ್ಟಾರೆ ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಇವರನ್ನು ಸರ್ಕಾರದ ಸೇವೆಯಲ್ಲಿನ ಪ್ರಥಮ ದರ್ಜೆ ಸಹಾಯಕರ ವೃಂದದಲ್ಲಿ ಮುಂದುವರೆಸುವುದು ಸೂಕ್ತವಲ್ಲವೆಂಬುದು ದೃಡಪಟ್ಟಿರುವುದರಿಂದ ಇವರನ್ನು ಸರ್ಕಾರದ ಸೇವೆಯಲ್ಲಿನ ಪ್ರಥಮ ದರ್ಜೆ ಸಹಾಯಕರ ವೃಂದದಲ್ಲಿ ಮುಂದುವರೆಸಿದಲ್ಲಿ, ಆಡಳಿತ/ಲೆಕ್ಕ ವಿಭಾಗದ ಕರ್ತವ್ಯಗಳ ಜವಾಬ್ದಾರಿಗಳನ್ನೇ ವಹಿಸಬೇಕಾಗುತ್ತದೆಯಾದ್ದರಿಂದ ಅವರಿಗೆ ಕರ್ನಾಟಕ ನಾಗರಿಕ ಸೇವಾ (ವರ್ಗೀಕರಣ, ನಿಯಂತ್ರಣ ಮತ್ತು ಮೇಲ್ಮನವಿ) ನಿಯಮಗಳು 1957ರ ಅನ್ವಯ ಈ ಕೆಳಕಂಡಂತೆ ಅಂತಿಮ ಆದೇಶ ಹೊರಡಿಸಲಾಗಿದೆ.

ಕಚೇರಿ ಆದೇಶ ಸಂಖ್ಯೆ: ಆಡಳಿತ-4/410/2017-18

ಪ್ರಸ್ತಾವನೆಯಲ್ಲಿ ವಿವರಿಸಿರುವಂತೆ, ಆರ್ಥಿಕ ಮತ್ತು ಸಾಂಖ್ಯಿಕ ನಿರ್ದೇಶನಾಲಯದ ನಿರ್ದೇಶಕರು ಮತ್ತು ಶಿಸ್ತು ಪ್ರಾಧಿಕಾರ ಆಗಿರುವ ನಾನು ನಿವೃತ್ತ ನ್ಯಾಯಾಧೀಶರು ಆದ ವಿಚಾರಣಾಧಿಕಾರಿಗಳು ಸಲ್ಲಿಸಿರುವ ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಚೇರಿ, ಶಿವಮೊಗ್ಗ ಇವರ ವಿರುದ್ಧದ ಇಲಾಖಾ ವಿಚಾರಣಾ ವರದಿಯನ್ನು ಅಂತ್ಯಂತ ಸೂಕ್ಷ್ಮವಾಗಿ ಪರಿಶೀಲಿಸಲಾಗಿ ಅವರ ವಿರುದ್ಧದ ಆರೋಪಗಳು ಸಾಬೀತಾಗಿರುವುದರಿಂದ ಹಾಗೂ ನೌಕರರು ತಮಗೆ ಪ್ರಥಮ ದರ್ಜೆ ಸಹಾಯಕರ ಹುದ್ದೆಯ ಕರ್ತವ್ಯಗಳನ್ನು ನಿರ್ವಹಿಸಲು ತೊಂದರೆಯಾಗುವುದಾಗಿ ತಿಳಿಸಿರುತ್ತಾರೆ.

ಕರ್ನಾಟಕ ನಾಗರಿಕ ಸೇವಾ (ವರ್ಗೀಕರಣ, ನಿಯಂತ್ರಣ ಮತ್ತು ಮೇಲ್ಮನವಿ) ನಿಯಮಗಳು 1957ರ ನಿಯಮ 8(v)ರ ಅನ್ವಯ ಆಪಾದಿತೆ ಸರ್ಕಾರಿ ನೌಕರರಾದ "ಶ್ರೀಮತಿ ಕುಸುಮ, ಪ್ರಥಮ ದರ್ಜೆ ಸಹಾಯಕರು, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಚೇರಿ, ಶಿವಮೊಗ್ಗ ಅವರು ಪ್ರಸ್ತುತಭಾಗ ೩ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ೨೮೫

ಹೊಂದಿರುವ ರೂ.14550-26700ರ ವೇತನ ಶ್ರೇಣಿಯ ಪ್ರಥಮ ದರ್ಜೆ ಸಹಾಯಕರ ಹುದ್ದೆಯಿಂದ ರೂ.11600-21000ರ ವೇತನ ಶ್ರೇಣಿಯ ದ್ವಿತೀಯ ದರ್ಜೆ

ಸಹಾಯಕರ ಹುದ್ದೆಗೆ ಖಾಯಂ ಆಗಿ ಇಳಿಸಲಾಗಿದೆ ಹಾಗೂ ಅವರ ವೇತನವನ್ನು ದ್ವಿತೀಯ ದರ್ಜೆ ಸಹಾಯಕರ ವೇತನ ಶ್ರೇಣಿಯ ರೂ.11600-21000ರಲ್ಲಿ

ಮೂಲ ವೇತನ ರೂ.11600/-ಕ್ಕೆ ನಿಗಧಿಪಡಿಸಲಾಗಿದೆ ಹಾಗೂ ಅವರು ದ್ವಿತೀಯ ದರ್ಜೆ ಸಹಾಯಕರ ವೇತನ ಶ್ರೇಣಿಯಲ್ಲಿ ವಾರ್ಷಿಕ ವೇತನ ಬಡ್ತಿಗಳನ್ನು

ಪಡೆಯತಕ್ಕದ್ದು ಹಾಗೂ ಅವರ ಜೇಷ್ಠತೆಯನ್ನು ದ್ವಿತೀಯ ದರ್ಜೆ ಸಹಾಯಕರ ವೃಂದದಲ್ಲಿ ಪ್ರಸ್ತುತ ದ್ವಿತೀಯ ದರ್ಜೆ ಸಹಾಯಕರ ಜ್ಯೇಷ್ಠತಾ ಪಟ್ಟಿಯಲ್ಲಿ ಅಂತಿಮ

ಸಂಖ್ಯೆಯನ್ನು ಹೊಂದತಕ್ಕದ್ದು".

ಈ ಆದೇಶದ ಪರಿಣಾಮವಾಗಿ ಶ್ರೀಮತಿ ಕುಸುಮ, ಇವರನ್ನು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಕಛೇರಿ, ಉಡುಪಿ ಜಿಲ್ಲೆ ಇಲ್ಲಿ ಖಾಲಿ ಇರುವ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗೆ ನೇಮಕಾತಿ ಮಾಡಿ ಆದೇಶಿಸಿದೆ ಮತ್ತು ಹಾಗೂ ನೇಮಿಸಿರುವ ಕಛೇರಿಯಲ್ಲಿ ಕರ್ತವ್ಯಕ್ಕೆ ವರದಿ ಮಾಡಿಕೊಳ್ಳುವಂತೆ ಸೂಚಿಸಿದೆ.

ಕೆ.ವಿ.ಸುಬ್ರಮಣ್ಯಂ

ನಿರ್ದೇಶಕರು ಮತ್ತು ಶಿಸ್ತು ಪ್ರಾಧಿಕಾರ

ಆರ್ಥಿಕ ಮತ್ತು ಸಾಂಖ್ಯಿಕ ನಿರ್ದೇಶನಾಲಯ PR-³³ SC-⁰⁵

ಬೆಂಗಳೂರು.

IN THE COURT OF METROPOLITAN MAGISTRATE COURT, NRUPATUNGA ROAD, BENGALURU CITY

It here by noticed to the public that the Bommanahalli Police Station, Bengaluru City have seized the following vehicles as unclaimed and such vehicles are laying in the Bommanahalli Police Station as uncliamed so far. I hence the owners of the properties (vehicles) may put their claim one month form thte date of publication.

Chief Metropolitan Magistrate

Bengaluru City

PR-40

Chief Metropolitan Magistrate

SC-5

Bengaluru City

IN THE COURT OF XLIII ADDL METROPOLITAN MAGISTRATE BENGALURU CITY

It is hereby notified to the public that the Ashoknagar Police Station, Bengaluru city have seized the following vehicles as unclaimed and such vehicles are lying in the Police station as unclaimed. So far hence the owners of the vehicles may put their claim one month from the date of this publication. Otherwise the vehicle owner are not came in with in time limits there will be auctioned.

Date: 29.01.2018

XLIII Addl.Chief Metropolitan

Magistrate Court

PR-83

Bengaluru city.

SC-10

ಕಾರ್ಮಿಕ ಸಚಿವಾಲಂi

ಅಧಿಸೂಚನೆ

ಸಂ: ಕಾಇ 433 ಎಲ್ಇಟಿ 2017 ಬೆಂಗಳೂರು, ದಿನಾಂಕ:23.12.2017

ವಿಷಯ:- ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011 ಪ್ರಕರಣದಲ್ಲಿ ದಿನಾಂಕ : 09.02.2017ರಂದು ನೀಡಿರುವ

ತೀರ್ಪಿನನ್ವಯ ಕಾರ್ಮಿಕ ಇಲಾಖೆಯ "ಉಪ ಕಾರ್ಮಿಕ ಆಯುಕ್ತರು" "ಜಂಟಿ ಕಾರ್ಮಿಕ ಆಯುಕ್ತರು" ಮತ್ತು "ಅಪರ ಕಾರ್ಮಿಕ ಆಯುಕ್ತರು", ವೃಂದದ ಅಂತಿಮ

ಜ್ಯೇಷ್ಠತಾ ಪಟ್ಟಿಯನ್ನು ಪರಿಷ್ಕರಿಸಿ ಪ್ರಕಟಿಸುವ ಕುರಿತು.

ಓದಲಾಗಿದೆ:-1. ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011 ಪ್ರಕರಣದಲ್ಲಿ ದಿನಾಂಕ : 09.02.2017 ರಂದು ನೀಡಿರುವ

ತೀರ್ಪು.

2. ಸರ್ಕಾರದ ಅಧೀನ ಕಾರ್ಯದರ್ಶಿ, ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ (ಸೇವಾ ನಿಯಮಗಳು-1), ಇವರ ಅನಧಿಕೃತ ಟಿಪ್ಪಣಿ ಸಂಖ್ಯೆ ಸಿಆಸುಇ 182

ಸೇನೆನಿ 2011 ದಿನಾಂಕ : 06.05.2017

3. ಕಾರ್ಮಿಕ ಆಯುಕ್ತರ ಕಛೇರಿ ಪತ್ರ ಸಂಖ್ಯೆ : ಜಿಜೆಡ್‌ಟಿ/ಸಿಆರ್-41, 42, & 43/2017-18 ದಿನಾಂಕ : 29.11.2017

4. ಸರ್ಕಾರದ ಅಧಿಸೂಚನೆ ಸಂಖ್ಯೆ: ಕಾಇ 433 ಎಲ್ಇಟಿ 2017, ದಿನಾಂಕ : 30.11.2017

ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ, ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯದ ಉಲ್ಲೇಖ (1) ರ ತೀರ್ಪಿನನ್ವಯ, ರಾಜ್ಯ ಸರ್ಕಾರವು ಉಲ್ಲೇಖ (2)ರಲ್ಲಿ ನೀಡಿರುವ ಮಾರ್ಗಸೂಚಿಗಳನ್ವಯ ಕಾರ್ಮಿಕ ಇಲಾಖೆಯ "ಉಪ ಕಾರ್ಮಿಕ ಆಯುಕ್ತರು" "ಜಂಟಿ ಕಾರ್ಮಿಕ ಆಯುಕ್ತರು" ಮತ್ತು "ಅಪರ ಕಾರ್ಮಿಕ ಆಯುಕ್ತರು", ವೃಂದದ ತಾತ್ಕಾಲಿಕ ಜ್ಯೇಷ್ಠತಾ ಪಟ್ಟಿಗಳನ್ನು ಪರಿಷ್ಕರಿಸಿ, ಉಲ್ಲೇಖ (4)ರ ಅಧಿಸೂಚನೆಯಲ್ಲಿ ಪ್ರಕಟಿಸಿ, ಸದರಿ ಪಟ್ಟಿಯಿಂದ ಬಾಧಿತರಾದವರು ಆಕ್ಷೇಪಣೆಗಳನ್ನು ಸಲ್ಲಿಸುವಂತೆ ಸೂಚಿಸಲಾಗಿತ್ತು.

ರಾಜ್ಯ ಸರ್ಕಾರವು ಪ್ರಕಟಿಸಿದ್ದ "ಉಪ ಕಾರ್ಮಿಕ ಆಯುಕ್ತರು" "ಜಂಟಿ ಕಾರ್ಮಿಕ ಆಯುಕ್ತರು" ಮತ್ತು "ಅಪರ ಕಾರ್ಮಿಕ ಆಯುಕ್ತರು", ವೃಂದಗಳ ತಾತ್ಕಾಲಿಕ ಜ್ಯೇಷ್ಠತಾ ಪಟ್ಟಿಗೆ, ಯಾವುದೇ ಆಕ್ಷೇಪಣೆಗಳು ಸ್ವೀಕೃತವಾಗಿರುವುದಿಲ್ಲ.

ಸ್ವೀಕೃತವಾದ ಆಕ್ಷೇಪಣೆಗಳನ್ನು ಪರಿಶೀಲಿಸಿ, ದಿನಾಂಕ : 31.05.2017 ರಲ್ಲಿದ್ದಂತೆ ಕಾರ್ಮಿಕ ಇಲಾಖೆಯ "ಉಪ ಕಾರ್ಮಿಕ ಆಯುಕ್ತರು" "ಜಂಟಿ ಕಾರ್ಮಿಕ ಆಯುಕ್ತರು" ಮತ್ತು "ಅಪರ ಕಾರ್ಮಿಕ ಆಯುಕ್ತರು", ವೃಂದಗಳ ಅಂತಿಮ ಜ್ಯೇಷ್ಠತಾ ಪಟ್ಟಿ (Final Seniority List) ಅನ್ನು ಕ್ರಮವಾಗಿ ಅನುಬಂಧ -1, ಅನುಬಂಧ-2 ಹಾಗೂ ಅನುಬಂಧ-3 ರಲ್ಲಿ ಸರ್ಕಾರದಿಂದ ಅಧಿಕೃತವಾಗಿ ಪ್ರಕಟಿಸಲಾಗಿದೆ.

ಕರ್ನಾಟಕ ರಾಜ್ಯಪಾಲರ ಆದೇಶಾನುಸಾರ ಮತ್ತು ಅವರ ಹೆಸರಿನಲ್ಲಿ

ಜಿ.ಎಂ. ಸಿದ್ಧರಾಜು

ಸರ್ಕಾರದ ಅಧೀನ ಕಾರ್ಯದರ್ಶಿ,

ಕಾರ್ಮಿಕ ಇಲಾಖೆ.

ಅನುಬಂಧ-1

ಅಧಿಸೂಚನೆ ಸಂಖ್ಯೆ ಕಾಇ 433 ಎಲ್ಇಟಿ 2017, ಬೆಂಗಳೂರು ದಿನಾಂಕ: 23ನೇ ಡಿಸೆಂಬರ್ 2017

ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011ರಲ್ಲಿ ದಿನಾಂಕ :09.02.2017 ರಂದು ನೀಡಿರುವ ತೀರ್ಪಿನನ್ವಯ ಪರಿಷ್ಕರಿಸಲಾದ

ಕಾರ್ಮಿಕ ಇಲಾಖೆಯ "ಉಪ ಕಾರ್ಮಿಕ ಆಯುಕ್ತರು" ವೃಂದದ ಅಂತಿಮ ಜ್ಯೇಷ್ಠತಾ ಪಟ್ಟಿ (ದಿನಾಂಕ : 31ನೇ ಮೇ 2017 ರಲ್ಲಿದ್ದಂತೆ)

ಷರಾ : ಸಹಾಯಕ ಕಾರ್ಮಿಕ ಆಯುಕ್ತರ ಅಂತಿಮ ಜ್ಯೇಷ್ಠತಾ ಪಟ್ಟಿಯನ್ನು ಮಾನ್ಯ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011 ರಲ್ಲಿ ದಿನಾಂಕ : 09-02-2017ರಂದು ನೀಡಿರುವ ತೀರ್ಪಿನ ಅನ್ವಯ ಪರಿಷ್ಕರಿಸಲಾಗಿದ್ದು, ಸದರಿ ಜ್ಯೇಷ್ಠತಾ ಪಟ್ಟಿಯಲ್ಲಿ ಶ್ರೀ ಇ.ಲಕ್ಷ್ಮಪ್ಪ ಇವರ ಜ್ಯೇಷ ್ಠತೆಯನ್ನು ಕ್ರಮ ಸಂಖ್ಯೆ 78 ರಲ್ಲಿ ಇರುತ್ತದೆ. ಸದರಿ ಜ್ಯೇಷ್ಠತಾ ಪಟ್ಟಿಯ ಆಧಾರದಲ್ಲಿ ಉಪ ಕಾರ್ಮಿಕ ಆಯುಕ್ತರು ವೃಂದದ ಜ್ಯೇಷ್ಠತಾ ಪಟ್ಟಿಯನ್ನು ಪ್ರಕಟಿಸಲಾಗಿದೆ.

ಜಿ.ಎಂ. ಸಿದ್ಧರಾಜು

ಸರ್ಕಾರದ ಅಧೀನ ಕಾರ್ಯದರ್ಶಿ,

ಕಾರ್ಮಿಕ ಇಲಾಖೆ.

ಅನುಬಂಧ-2

ಅಧಿಸೂಚನೆ ಸಂಖ್ಯೆ ಕಾಇ 433 ಎಲ್ಇಟಿ 2017, ಬೆಂಗಳೂರು ದಿನಾಂಕ: 23ನೇ ಡಿಸೆಂಬರ್ 2017

ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011ರಲ್ಲಿ ದಿನಾಂಕ :09.02.2017 ರಂದು ನೀಡಿರುವ ತೀರ್ಪಿನನ್ವಯ ಪರಿಷ್ಕರಿಸಲಾದ

ಕಾರ್ಮಿಕ ಇಲಾಖೆಯ "ಜಂಟಿ ಕಾರ್ಮಿಕ ಆಯುಕ್ತರು" ವೃಂದದ ಅಂತಿಮ ಜ್ಯೇಷ್ಠತಾ ಪಟ್ಟಿ (ದಿನಾಂಕ : 31ನೇ ಮೇ 2017 ರಲ್ಲಿದ್ದಂತೆ)

ಜಿ.ಎಂ. ಸಿದ್ಧರಾಜು

ಸರ್ಕಾರದ ಅಧೀನ ಕಾರ್ಯದರ್ಶಿ,

ಕಾರ್ಮಿಕ ಇಲಾಖೆ.

ಅನುಬಂಧ-3

ಅಧಿಸೂಚನೆ ಸಂಖ್ಯೆ ಕಾಇ 433 ಎಲ್ಇಟಿ 2017, ಬೆಂಗಳೂರು ದಿನಾಂಕ: 23ನೇ ಡಿಸೆಂಬರ್ 2017

ಗೌರವಾನ್ವಿತ ಭಾರತದ ಸರ್ವೋಚ್ಛ ನ್ಯಾಯಾಲಯವು ಸಿವಿಲ್ ಅಪೀಲು ಸಂಖ್ಯೆ 2368/2011ರಲ್ಲಿ ದಿನಾಂಕ :09.02.2017 ರಂದು ನೀಡಿರುವ ತೀರ್ಪಿನನ್ವಯ ಪರಿಷ್ಕರಿಸಲಾದ

ಕಾರ್ಮಿಕ ಇಲಾಖೆಯ "ಅಪರ ಕಾರ್ಮಿಕ ಆಯುಕ್ತರು" ವೃಂದದ ಅಂತಿಮ ಜ್ಯೇಷ್ಠತಾ ಪಟ್ಟಿ (ದಿನಾಂಕ : 31ನೇ ಮೇ 2017 ರಲ್ಲಿದ್ದಂತೆ)

ಜಿ.ಎಂ. ಸಿದ್ಧರಾಜು

PR-³⁹

ಸರ್ಕಾರದ ಅಧೀನ ಕಾರ್ಯದರ್ಶಿ, SC-⁵⁰

ಕಾರ್ಮಿಕ ಇಲಾಖೆ.

ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ

1966ರ ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಕಾಯ್ದೆಯ ವಿಧಿ 28(4) ರಡಿ ಅಧಿಸೂಚನೆ

ಸಂಖ್ಯೆ: ಸಿಐ 83 ಎಸ್‌ಪಿಕ್ಯೂ 2017, ಬೆಂಗಳೂರು, ದಿನಾಂಕ: 05-02-2018

ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಕಾಯ್ದೆ 1966 (ಕರ್ನಾಟಕ ಕಾಯ್ದೆ 1966) (ಈ ಮುಂದೆ ಪ್ರಸ್ತುತ ಕಾಯ್ದೆ ಎಂದು ಹೇಳಲಾಗಿದೆ) ಕಲಂ 28(1)ರನ್ವಯ ವಿಹಿತವಾಗಿರುವ ಅಧಿಕಾರದಡಿ ಅಧಿಸೂಚನೆ ಸಂಖ್ಯೆ: ಸಿಐ 83 ಎಸ್‌ಪಿಕ್ಯೂ 2017 ದಿನಾಂಕ: 23.03.2017 (ಈ ಮುಂದೆ ಅಧಿಸೂಚನೆ ಎಂದು ಹೇಳಲಾಗಿದೆ)ರಂದು ಹೊರಡಿಸಿ ದಿನಾಂಕ: 30.03.2017ರಂದು ಪ್ರಕಟವಾದ ರಾಜ್ಯ ಪತ್ರದ ಪುಟ 1340 ರಿಂದ 1343 ರವರೆಗೆ (ಭಾಗ-3)ರಲ್ಲಿ ಕರ್ನಾಟಕ ಸರ್ಕಾರವು ಪ್ರಸ್ತುತ ಅಧಿಸೂಚನೆಯಲ್ಲಿ ಕಾಣಿಸಿರುವ ಕೈಗಾರಿಕಾ ಪ್ರದೇಶ ಅಭಿವೃದ್ಧಿಗೊಸ್ಕರ ಅಂದರೆ ಮೆ|| ಇಂಡಿಯನ್ ಕೇನ್ ಪವರ್ ಲಿಮಿಟೆಡ್ ಇವರ ಉದ್ದೇಶಿತ Increase sugar crushing capacity from 12000 TCD to ²⁴⁰⁰⁰ TCD & Co Gen from ⁷⁸ MW to ⁸³ MW with an additional investment ಯೋಜನೆ ಸ್ಥಾಪಿಸುವ ಸಲುವಾಗಿ ಪ್ರಸ್ತುತ ಅಧಿಸೂಚನೆಯಲ್ಲಿ ಕಾಣಿಸಿರುವ ಜಮೀನುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ತನ್ನ ಉದ್ದೇಶವನ್ನು ಪ್ರಕಟಿಸಿತ್ತು.

ಅದರಂತೆ ಪ್ರಸ್ತುತ ಕಾಯ್ದೆಯನ್ವಯ 28ರ ಉಪ ಕಲಂ (3)ರನ್ವಯ ಆದೇಶವನ್ನು ಹೊರಡಿಸಲಾಗಿದೆ ಮತ್ತು ಈ ಕೆಳಗೆ ಅನುಸೂಚಿಯಲ್ಲಿ ಕಾಣಿಸಿರುವ ಜಮೀನುಗಳು ಪ್ರಸ್ತುತ ಅಧಿಸೂಚನೆಯಲ್ಲಿಯೂ ಕಾಣಿಸಲ್ಪಟ್ಟಿವೆ ಹಾಗೂ ಪ್ರಸ್ತುತ ಅಧಿಸೂಚನೆಯಲ್ಲಿ ಕಾಣಿಸಿರುವ ಉದ್ದೇಶಕ್ಕಾಗಿ ಸ್ವಾಧೀನಪಡಿಸಿಕೊಳ್ಳಬೇಕೆಂದು ಕರ್ನಾಟಕ ಸರ್ಕಾರಕ್ಕೆ ಮನವರಿಕೆಯಾಗಿದೆ.

ಆದುದರಿಂದ ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಕಾಯ್ದೆ 1966 (ಕರ್ನಾಟಕ ಕಾಯ್ದೆ 18:1966)ರ ಕಲಂ 28ರ ಉಪ ಕಲಂ (4)ರನ್ವಯ ವಿಹಿತವಾಗಿರುವ ಅಧಿಕಾರದ ಮೇರೆಗೆ ಅಧಿಸೂಚನೆಯಲ್ಲಿ ಕಾಣಿಸಿರುವ ಉದ್ದೇಶಕ್ಕಾಗಿ ಈ ಕೆಳಗೆ ಅನುಸೂಚಿಯಲ್ಲಿ ಕಾಣಿಸಿರುವ ಜಮೀನುಗಳನ್ನು ಸ್ವಾಧೀನಪಡಿಸಿಕೊಳ್ಳಬೇಕೆಂದು ಈ ಮೂಲಕ ಕರ್ನಾಟಕದ ಸರ್ಕಾರವು ಘೋಷಿಸಿದೆ.

ಅನುಸೂಚಿ

ಘೋಷ್ವಾರೆ

PR-85

ಕರ್ನಾಟಕ ರಾಜ್ಯಪಾಲರ ಆದೇಶಾನುಸಾರ ಮತ್ತು ಅವರ ಹೆಸರಿನಲ್ಲಿ, SC-50

ಬಿ. ವೆಂಕಟೇಶಮೂರ್ತಿ

ಸರ್ಕಾರದ ಅಧೀನ ಕಾರ್ಯದರ್ಶಿ (ಕೈ.ಅ.)

ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆ.

PUBLIC NOTICE

PHENOLITE ELECTROHEAT PRIVATE LIMITED

CIN- U31909KA1971PTC002060

Regd. Off: 10, IST DIVISION, YESWANTHPUR, BENGALURU 560022

Notice is hereby given that the Members of PHENOLITE ELECTROHEAT PRIVATE LIMITED at their Extra-ordinary General Meeting held on 23rdJanuary, 2018 at 11.00 a.m at the registered office, have passed the following special resolution to wind up above company voluntarily:

''RESOLVED THAT as per the provisions of Sec. 304(1)(b) of the Companies Act, 2013 and other applicable provisions, if any, the company be and is hereby wound up voluntarily as members' voluntary wind up.

"RESOLVED FURTHER THAT as per the provisions of sec. 308 of the Companies Act, 2013 the winding up of the Company commences from the date of passing of this resolution''

RESOLVED FURTHER THAT Mrs. Nagamani R, Practising Company Secretary, Bengaluru be and is hereby appointed as the Liquidator of the Company.''

'RESOLVED FURTHER THAT any of the directors of the Company be and is hereby authorised to verify, modify, sign, file with the statutory authorities and to do all the necessary deeds and actions relating to winding up of the Company.''

FORM NO. 151

Members' Voluntary Winding‐up

Notice of appointment of liquidator pursuant to section 516

For PHENOLITE ELECTROHEAT PRIVATE LIMITED

For Phenolite Electroheat (P) Ltd For Phenolite Electroheat (P) Ltd For Phenolite Electroheat (P) Ltd

Ashok Champalal Tilesara

Parasmal Bhimraj

Ashok Ganeshamal Ostawal

Director

Director

Director

DIN: 00325896

DIN: 00325930

DIN: 02117983

Place: Bengaluru

Date : 23/01/2018

PD - 11

SC – 05

IN THE COURT OF CJ & JMFC, ANEKAL

Court is hereby notified to the public that the Anekal police station Bengaluru, dist. have seized the following vehicle as unclaimed and such vehicles are lying-in the police station as un claimed so far hence the owners of the vehicles may put their claim on this publication

By order of the Prl. Civil Judge & JMFC Anekal

Date;- 02 /01/2018

By order of the Court

PR - 86

Addl. Civil Judge, & SC-05

J.M.F.C., Court, Anekalಭಾಗ ೩ ಕರ್ನಾಟಕ ರಾಜ್ಯಪತ್ರ, ಗುರುವಾರ, ಫೆಬ್ರವರಿ ೮, ೨೦೧೮ ೨೯೯

ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ

ಸಂಖ್ಯೆ: ಸಿಐ 237 ಎಸ್‌ಪಿಕ್ಯೂ 2016, ಬೆಂಗಳೂರು, ದಿನಾಂಕ: 20.01.2018

1966ರ ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃಧ್ಧಿ ಕಾಯ್ದೆಯ ಕಲಂ 28(4)ರಡಿ ಅಧಿಸೂಚನೆ

ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಕಾಯ್ದೆ (ಕರ್ನಾಟಕ ಕಾಯ್ದೆ 1966) (ಈ ಮುಂದೆ ಪ್ರಸ್ತುತ ಕಾಯ್ದೆ ಎಂದು ಹೇಳಲಾಗಿದೆ) ಕಲಂ 28(1)ರನ್ವಯ ವಿಹಿತವಾಗಿರುವ ಅಧಿಕಾರದಡಿ ಅಧಿಸೂಚನೆ ನಂ: ಸಿಐ 237 ಎಸ್‌ಪಿಕ್ಯೂ 2016, ಬೆಂಗಳೂರು ದಿನಾಂಕ: 20.12.2016 (ಈ ಮುಂದೆ ಅಧಿಸೂಚನೆ ಎಂದು ಹೇಳಲಾಗಿದೆ) ರಂದು ಹೊರಡಿಸಿದ ದಿನಾಂಕ: 29.12.2016ರಂದು ಪ್ರಕಟವಾದ ಕರ್ನಾಟಕ ರಾಜ್ಯ ಪತ್ರದ ಪುಟ ಸಂಖ್ಯೆ: 4238ರಿಂದ 4256ರ ತನಕ ವಿಶೇಷ ಪತ್ರಿಕೆ ಭಾಗ-3 ಸೆಕ್ಷನ್ 1ರಲ್ಲಿ ಕರ್ನಾಟಕ ಸರ್ಕಾರವು ಮೆ| ಎಂ.ಆರ್.ಪಿ.ಎಲ್.ರವರ 4ನೇ ಹಂತದ ವಿಸ್ತøತ ಯೋಜನೆಗಾಗಿ ಪ್ರಸ್ತುತ ಅಧಿಸೂಚನೆಯಲ್ಲಿ ಕಾಣಿಸಿರುವ ಜಮೀನುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ತನ್ನ ಉದ್ದೇಶವನ್ನು ಪ್ರಕಟಿಸಿತ್ತು.

ಅದರಂತೆ ಪ್ರಸ್ತುತ ಕಾಯ್ದೆ ಅನ್ವಯ ಕಲಂ 28ರ ಉಪ ಕಲಂ (3)ರನ್ವಯ ಆಜ್ಞೆಯನ್ನು ಹೊರಡಿಸಲಾಗಿದೆ ಮತ್ತು ಈ ಕೆಳಗೆ ಅನುಸೂಚಿಯಲ್ಲಿ ಕಾಣಿಸಿರುವ ಜಮೀನುಗಳ ವಿವರವನ್ನು ಅಧಿಸೂಚನೆಯಲ್ಲಿಯೂ ಕಾಣಿಸಲ್ಪಟ್ಟಿದೆ ಹಾಗೂ ಅಧಿಸೂಚನೆಯಲ್ಲಿ ಕಾಣಿಸಿರುವ ಉದ್ದೇಶಕ್ಕಾಗಿ ಸ್ವಾಧೀನಪಡಿಸಿಕೊಳ್ಳಬೇಕೆಂದು ಕರ್ನಾಟಕ ಸರ್ಕಾರಕ್ಕೆ ಮನವರಿಕೆಯಾಗಿದೆ.

ಆದುದರಿಂದ ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಕಾಯ್ದೆ 1966 (ಕರ್ನಾಟಕ ಕಾಯ್ದೆ 18:1966)ರ ಕಲಂ 28ರ ಉಪ ಕಲಂ(4)ರನ್ವಯ ವಿಹಿತವಾಗಿರುವ ಅಧಿಕಾರದ ಮೇರೆಗೆ ಮೆ| ಎಂ.ಆರ್.ಪಿ.ಎಲ್.ರವರ ವಿಸ್ತøತ ಯೋಜನೆಗಾಗಿ ಈ ಕೆಳಗೆ ಅನುಸೂಚಿಯಲ್ಲಿ ಕಾಣಿಸಿರುವ ಜಮೀನುಗಳನ್ನು ಸ್ವಾಧೀನಪಡಿಸಿಕೊಳ್ಳಬೇಕೆಂದು ಈ ಮೂಲಕ ಕರ್ನಾಟಕ ಸರ್ಕಾರವು ಘೋಷಿಸಿದೆ.

ಅನುಸೂಚಿ